yahi justuju ka kamal hai yahi aagahi ki talash hai

yahī justujū kā kamāl hai yahī āgahī kī talāsh hai

use samho apnī talāsh tum jo tumheñ kisī kī talāsh hai

yahī aa.ina hai vo ā.īna jo liye hai jalva-e-āgahī

ye jo shā.erī kā shu.ūr hai ye payambarī kī talāsh hai

vo masarratoñ kā hujūm kyā jo tavāf-e-ishq-o-tarab kare

vo ḳhushī jo auroñ ko de sakūñ mujhe us ḳhushī kī talāsh hai

ye jo pastiyāñ haiñ uruuj kī ye tabāhiyāñ jo haiñ zehn kī

koī rāhbar hai to aa.e phir unheñ rāhbarī kī talāsh hai

mirī zindagī mirī shā.erī hai haqīqatoñ kā ik ā.īna

ye 'matīn' ġham jo aziiz hai ye mirī kabhī kī talāsh hai

yahi justuju ka kamal hai yahi aagahi ki talash hai

use samho apni talash tum jo tumhein kisi ki talash hai

yahi aaina hai wo aaina jo liye hai jalwa-e-agahi

ye jo shaeri ka shuur hai ye payambari ki talash hai

wo masarraton ka hujum kya jo tawaf-e-ishq-o-tarab kare

wo KHushi jo auron ko de sakun mujhe us KHushi ki talash hai

ye jo pastiyan hain uruj ki ye tabahiyan jo hain zehn ki

koi rahbar hai to aae phir unhen rahbari ki talash hai

meri zindagi meri shaeri hai haqiqaton ka ek aaina

ye 'matin' gham jo aziz hai ye meri kabhi ki talash hai