yahi nahin ki mera ghar badalta jata hai
yahī nahīñ ki mirā ghar badaltā jaatā hai
mizāj-e-sheher bhī badaltā jaatā hai
ruteñ qadīm tavātur se aatī jaatī haiñ
daraḳht pattoñ ke zevar badaltā jaatā hai
ufuq pe kyuuñ nahīñ ruktī koī kiran pal bhar
ye kaun tezī se manzar badaltā jaatā hai
ġhubār-e-vaqt meñ sab rañg ghulte jaate haiñ
zamāna kitne hī tevar badaltā jaatā hai
chhiḌī huī hai azal se dil o nigāh meñ jañg
mahāz ek hai lashkar badaltā jaatā hai
ye kis kā haath hai jo be-charāġh rātoñ meñ
fasīl-e-shahr ke patthar badaltā jaatā hai
parind peḌ se parvāz karte jaate haiñ
ki bastiyoñ kā muqaddar badaltā jaatā hai
yahi nahin ki mera ghar badalta jata hai
mizaj-e-sheher bhi badalta jata hai
ruten qadim tawatur se aati jati hain
daraKHt patton ke zewar badalta jata hai
ufuq pe kyun nahin rukti koi kiran pal bhar
ye kaun tezi se manzar badalta jata hai
ghubar-e-waqt mein sab rang ghulte jate hain
zamana kitne hi tewar badalta jata hai
chhiDi hui hai azal se dil o nigah mein jang
mahaz ek hai lashkar badalta jata hai
ye kis ka hath hai jo be-charagh raaton mein
fasil-e-shahr ke patthar badalta jata hai
parind peD se parwaz karte jate hain
ki bastiyon ka muqaddar badalta jata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
