yaqin chand pe suraj mein etibar bhi rakh
yaqīn chāñd pe sūraj meñ e'tibār bhī rakh
magar nigāh meñ thoḌā sā intizār bhī rakh
ḳhudā ke haath meñ mat sauñp saare kāmoñ ko
badalte vaqt pe kuchh apnā iḳhtiyār bhī rakh
ye hī lahū hai shahādat ye hī lahū paanī
ḳhizāñ nasīb sahī zehn meñ bahār bhī rakh
gharoñ ke tāqoñ meñ gul-daste yuuñ nahīñ sajte
jahāñ haiñ phuul vahīñ ās-pās ḳhaar bhī rakh
pahāḌ gūñjeñ nadī gaa.e ye zarūrī hai
safar kahīñ kā ho dil meñ kisī kā pyaar bhī rakh
yaqin chand pe suraj mein e'tibar bhi rakh
magar nigah mein thoDa sa intizar bhi rakh
KHuda ke hath mein mat saunp sare kaamon ko
badalte waqt pe kuchh apna iKHtiyar bhi rakh
ye hi lahu hai shahadat ye hi lahu pani
KHizan nasib sahi zehn mein bahaar bhi rakh
gharon ke taqon mein gul-daste yun nahin sajte
jahan hain phul wahin aas-pas KHar bhi rakh
pahaD gunjen nadi gae ye zaruri hai
safar kahin ka ho dil mein kisi ka pyar bhi rakh
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
