Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye bhi sach hai ki nahin hai koi rishta tujhse

Shahzad Ahmad

ye bhi sach hai ki nahin hai koi rishta tujhse

Shahzad Ahmad

ye bhī sach hai ki nahīñ hai koī rishta tujh se

jitnī ummīdeñ haiñ vābasta haiñ tanhā tujh se

ham ne pahlī nazar meñ tujhe pahchān liyā

muddatoñ maiñ na hue log shanāsā tujh se

shab-e-tārīk firozāñ tirī ḳhushbū se huī

sub.h rang huā aur bhī gahrā tujh se

be-ta.alluq bhī haiñ har rang har andāz se ham

vo ta'alluq bhī hai qaa.em jo kabhī thā tujh se

ye alag baat zabāñ saath na de pā.egī

dil jo haal hai kahnā to paḌegā tujh se

tere siine meñ bhī ik daaġh hai tanhā.ī

jāntā maiñ to kabhī duur na hotā tujh se

aañkh bhī parda hai takne nahīñ paatī sūraj

dil bhī dīvār hai milne nahīñ detā tujh se

kyuuñ azal se tire hamrāh chalā aatā hai

jaane kyā chāhtā hai naqsh-e-kaf-e-pā tujh se

ye alag baat tujhe TuuT ke chāhā lekin

dil-e-be-māya ne kuchh bhī nahīñ chāhā tujh se

raat aa.ī to talab sham.a nahīñ dil ne

dhuup niklī hai to saaya nahīñ māñgā tujh se

jis se vābasta hai 'shahzād' muqaddar terā

raushnī maañg rahā hai vo sitāra tujh se

ye bhi sach hai ki nahin hai koi rishta tujh se

jitni ummiden hain wabasta hain tanha tujh se

hum ne pahli hi nazar mein tujhe pahchan liya

muddaton main na hue log shanasa tujh se

shab-e-tarik firozan teri KHushbu se hui

subh ka rang hua aur bhi gahra tujh se

be-talluq bhi hain har rang har andaz se hum

wo ta'alluq bhi hai qaem jo kabhi tha tujh se

ye alag baat zaban sath na de paegi

dil ka jo haal hai kahna to paDega tujh se

tere sine mein bhi ek dagh hai tanhai ka

jaanta main to kabhi dur na hota tujh se

aankh bhi parda hai takne nahin pati suraj

dil bhi diwar hai milne nahin deta tujh se

kyun azal se tere hamrah chala aata hai

jaane kya chahta hai naqsh-e-kaf-e-pa tujh se

ye alag baat tujhe TuT ke chaha lekin

dil-e-be-maya ne kuchh bhi nahin chaha tujh se

raat aai to talab shama nahin ki dil ne

dhup nikli hai to saya nahin manga tujh se

jis se wabasta hai 'shahzad' muqaddar tera

raushni mang raha hai wo sitara tujh se

Source :
  • Book : Deewar pe dastak (Pg. 927)
0
COMMENTS
VIEW COMMENTS VIEW COMMENTS

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY

You have remaining out of free content pages per year. Log In or Register to become a Rekhta Family member to access the full website.

Speak Now