ye jo zindagi hai ye kaun hai

ye jo zindagī hai ye kaun hai

ye jo bebasī hai ye kaun hai

ye tumhāre lams ko kyā huā

ye jo be-hisī hai ye kaun hai

vo jo mere jaisā thā kaun thā

ye jo aap sī hai ye kaun hai

mire chār-sū mire chār-sū

ye jo bekalī hai ye kaun hai

mire añg añg meñ bas ga.ī

ye jo shā.irī hai ye kaun hai

vo jo tīrgī thī vo kaun thī

ye jo raushnī hai ye kaun hai

mujhe kyā ḳhabar mujhe kyā pata

ye jo be-ḳhudī hai ye kaun hai

vo jo ġham se chuur thā kaun thā

jo ḳhushī ḳhushī hai ye kaun hai

vo jo pahlā dard thā kis kā thā

ye jo āḳhirī hai ye kaun hai

ye jo zindagi hai ye kaun hai

ye jo bebasi hai ye kaun hai

ye tumhaare lams ko kya hua

ye jo be-hisi hai ye kaun hai

wo jo mere jaisa tha kaun tha

ye jo aap si hai ye kaun hai

mere chaar-su mere chaar-su

ye jo bekali hai ye kaun hai

mere ang ang mein bas gai

ye jo shairi hai ye kaun hai

wo jo tirgi thi wo kaun thi

ye jo raushni hai ye kaun hai

mujhe kya KHabar mujhe kya pata

ye jo be-KHudi hai ye kaun hai

wo jo gham se chur tha kaun tha

jo KHushi KHushi hai ye kaun hai

wo jo pahla dard tha kis ka tha

ye jo aaKHiri hai ye kaun hai