ye kya ki ek jahan ko karo waqf-e-iztirab

ye kyā ki ik jahāñ ko karo vaqf-e-iztirāb

ye kyā ki ek dil ko shakebā na kar sako

aisā na ho ye dard bane dard-e-lā-davā

aisā na ho ki tum bhī mudāvā na kar sako

shāyad tumheñ bhī chain na aa.e mire baġhair

shāyad ye baat tum bhī gavārā na kar sako

kyā jaane phir sitam bhī mayassar ho yā na ho

kyā jaane ye karam bhī karo yā na kar sako

allāh kare jahāñ ko mirī yaad bhuul jaa.e

allāh kare ki tum kabhī aisā na kar sako

mere sivā kisī kī na ho tum ko justujū

mere sivā kisī kī tamannā na kar sako

ye kya ki ek jahan ko karo waqf-e-iztirab

ye kya ki ek dil ko shakeba na kar sako

aisa na ho ye dard bane dard-e-la-dawa

aisa na ho ki tum bhi mudawa na kar sako

shayad tumhein bhi chain na aae mere baghair

shayad ye baat tum bhi gawara na kar sako

kya jaane phir sitam bhi mayassar ho ya na ho

kya jaane ye karam bhi karo ya na kar sako

allah kare jahan ko meri yaad bhul jae

allah kare ki tum kabhi aisa na kar sako

mere siwa kisi ki na ho tum ko justuju

mere siwa kisi ki tamanna na kar sako