ye kya tahrir pagal likh raha hai
ye kyā tahrīr pāgal likh rahā hai
har ik pyāse ko bādal likh rahā hai
na ro gustāḳh beTe ke amal par
tirā guzrā huā kal likh rahā hai
paḌho har mauj aayat kī tarah hai
vo dariyā par musalsal likh rahā hai
thame paanī ko tabdīlī mubārak
havā kā haath halchal likh rahā hai
tujhe chhūnā nirālā tajraba thā
vo jhūTā hai jo maḳhmal likh rahā hai
banā kar shahr kā naqsha vo bachcha
baḌe harfoñ meñ jañgal likh rahā hai
ḳhudā-e-amn jo kahtā hai ḳhud ko
zamīñ par ḳhud hī maqtal likh rahā hai
ye kya tahrir pagal likh raha hai
har ek pyase ko baadal likh raha hai
na ro gustaKH beTe ke amal par
tera guzra hua kal likh raha hai
paDho har mauj aayat ki tarah hai
wo dariya par musalsal likh raha hai
thame pani ko tabdili mubarak
hawa ka hath halchal likh raha hai
tujhe chhuna nirala tajraba tha
wo jhuTa hai jo maKHmal likh raha hai
bana kar shahr ka naqsha wo bachcha
baDe harfon mein jangal likh raha hai
KHuda-e-amn jo kahta hai KHud ko
zamin par KHud hi maqtal likh raha hai
- Book : aatish zer pa (Pg. 27)
- Author : zafar sehbai
- Publication : zafar sehbai Bhopal (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
