aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye narm narm hawa jhilmila rahe hain charagh

Firaq Gorakhpuri

ye narm narm hawa jhilmila rahe hain charagh

Firaq Gorakhpuri

MORE BYFiraq Gorakhpuri

    ye narm narm havā jhilmilā rahe haiñ charāġh

    tire ḳhayāl ḳhushbū se bas rahe haiñ dimāġh

    diloñ ko tere tabassum yaad yuuñ aa.ī

    ki jagmagā uTheñ jis tarah mandiroñ meñ charāġh

    jhalaktī hai khiñchī shamshīr meñ na.ī duniyā

    hayāt o maut ke milte nahīñ haiñ aaj dimāġh

    harīf-e-sīna-e-majrūh o ātish-e-ġham-e-ishq

    na gul chāk-garebāniyāñ na laale ke daaġh

    vo jin ke haal meñ lau de uThe ġham-e-fardā

    vahī haiñ anjuman-e-zindagī ke chashm-o-charāg

    tamām sho.ala-e-gul hai tamām mauj-e-bahār

    ki tā-had-e-nigah-e-shauq lahlahāte haiñ baaġh

    na.ī zamīn nayā āsmāñ na.ī duniyā

    sunā to hai ki mohabbat ko in dinoñ hai farāġh

    jo tohmateñ na uThīñ ik jahāñ se un ke samet

    gunāhgār-e-mohabbat nikal ga.e be-dāġh

    jo chhup ke tāroñ āñkhoñ se paañv dhartā hai

    usī ke naqsh-e-kaf-e-pā se jal uThe haiñ charāġh

    jahān-e-rāz huī rahī hai aañkh tirī

    kuchh is tarah vo diloñ lagā rahī hai surāġh

    zamāna kuud paḌā aag meñ yahī kah kar

    ki ḳhuun chaaT ke ho jā.egī ye aag bhī baaġh

    nigāheñ matl.a-e-nau par haiñ ek aalam

    ki mil rahā hai kisī phūTtī kiran surāġh

    diloñ meñ dāġh-e-mohabbat ab ye aalam hai

    ki jaise niiñd meñ Duube hoñ pichhlī raat charāġh

    'firāq' bazm-e-charāġhāñ hai mahfil-e-rindāñ

    saje haiñ pighlī huī aag se chhalakte ayāġh

    ye narm narm hawa jhilmila rahe hain charagh

    tere KHayal ki KHushbu se bas rahe hain dimagh

    dilon ko tere tabassum ki yaad yun aai

    ki jagmaga uThen jis tarah mandiron mein charagh

    jhalakti hai khinchi shamshir mein nai duniya

    hayat o maut ke milte nahin hain aaj dimagh

    harif-e-sina-e-majruh o aatish-e-gham-e-ishq

    na gul ki chaak-garebaniyan na lale ke dagh

    wo jin ke haal mein lau de uThe gham-e-farda

    wahi hain anjuman-e-zindagi ke chashm-o-charag

    tamam shoala-e-gul hai tamam mauj-e-bahaar

    ki ta-had-e-nigah-e-shauq lahlahate hain bagh

    nai zamin naya aasman nai duniya

    suna to hai ki mohabbat ko in dinon hai faragh

    jo tohmaten na uThin ek jahan se un ke samet

    gunahgar-e-mohabbat nikal gae be-dagh

    jo chhup ke taron ki aankhon se panw dharta hai

    usi ke naqsh-e-kaf-e-pa se jal uThe hain charagh

    jahan-e-raaz hui ja rahi hai aankh teri

    kuchh is tarah wo dilon ka laga rahi hai suragh

    zamana kud paDa aag mein yahi kah kar

    ki KHun chaT ke ho jaegi ye aag bhi bagh

    nigahen matla-e-nau par hain ek aalam ki

    ki mil raha hai kisi phuTti kiran ka suragh

    dilon mein dagh-e-mohabbat ka ab ye aalam hai

    ki jaise nind mein Dube hon pichhli raat charagh

    'firaq' bazm-e-charaghan hai mahfil-e-rindan

    saje hain pighli hui aag se chhalakte ayagh

    Source:

    Gul-e-Naghma (Pg. 39)

    • Author: Firaq Gorakhpuri
      • Edition: 2006
      • Publisher: Maktaba Farogh-e-urdu Matia Mahal Jama Masjid Delhi
      • Year of Publication: 2006
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now