zaKHm-e-dil hum dikha nahin sakte
zaḳhm-e-dil ham dikhā nahīñ sakte
dil kisī kā dukhā nahīñ sakte
vo yahāñ tak jo aa nahīñ sakte
kyā mujhe bhī bulā nahīñ sakte
vaada bhī hai to hai qayāmat kā
jis ko ham aazmā nahīñ sakte
aap bhī bahr-e-ashk haiñ goyā
aag dil kī bujhā nahīñ sakte
un se ummīd-e-vasl ai tauba
vo to sūrat dikhā nahīñ sakte
un ko ghūñghaT uThāne meñ kyā uzr
hosh meñ ham jo aa nahīñ sakte
māñgte maut kī duā lekin
haath dil se uThā nahīñ sakte
un ko dāvā-e-yūsufī 'āsī'
ḳhvāb meñ bhī jo aa nahīñ sakte
zaKHm-e-dil hum dikha nahin sakte
dil kisi ka dukha nahin sakte
wo yahan tak jo aa nahin sakte
kya mujhe bhi bula nahin sakte
wada bhi hai to hai qayamat ka
jis ko hum aazma nahin sakte
aap bhi bahr-e-ashk hain goya
aag dil ki bujha nahin sakte
un se ummid-e-wasl ai tauba
wo to surat dikha nahin sakte
un ko ghunghaT uThane mein kya uzr
hosh mein hum jo aa nahin sakte
mangte maut ki dua lekin
hath dil se uTha nahin sakte
un ko dawa-e-yusufi 'asi'
KHwab mein bhi jo aa nahin sakte
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
