zara si baat par said-e-ghubar-e-yas hona

zarā sī baat par said-e-ġhubār-e-yās honā

hameñ barbād kar degā bahut hassās honā

musalsal koī sargoshī humaktī hai lahū meñ

mayassar hī nahīñ hotā par apne paas honā

sabhī sīnoñ meñ terī naubatoñ kī guuñj lekin

tirī dhun kā kisī dil kī navā-e-ḳhās honā

hamārī shauq-rāhoñ par kabhī dekhegī duniyā

tumhāre pattharoñ kā gauhar o almās honā

idhar bhī to use ik din uThānī haiñ nigāheñ

hameñ bhī to kabhī hone kā hai ehsās honā

kisī mausam to apne bādbānoñ par bhī 'ālī'

likheñge āshnā jhoñke havā kā raas honā

zara si baat par said-e-ghubar-e-yas hona

hamein barbaad kar dega bahut hassas hona

musalsal koi sargoshi humakti hai lahu mein

mayassar hi nahin hota par apne pas hona

sabhi sinon mein teri naubaton ki gunj lekin

teri dhun ka kisi dil ki nawa-e-KHas hona

hamari shauq-rahon par kabhi dekhegi duniya

tumhaare pattharon ka gauhar o almas hona

idhar bhi to use ek din uThani hain nigahen

hamein bhi to kabhi hone ka hai ehsas hona

kisi mausam to apne baadbanon par bhi 'ali'

likhenge aashna jhonke hawa ka ras hona