zarra harif-e-mehr daraKHshan hai aaj kal

zarra harīf-e-mehr daraḳhshāñ hai aaj kal

qatre ke dil meñ shorish-e-tūfāñ hai aaj kal

sad-jalva be-hijāb ḳhirāmāñ hai aaj kal

sahmā huā sā gumbad gardāñ hai aaj kal

aañsū meñ aks-e-naqsha-e-daurāñ hai aaj kal

simTā huā sā ālam-e-imkāñ hai aaj kal

barham mizāj-e-fitarat-e-insāñ hai aaj kal

kis maḳhmase meñ ġhairat-e-yazdāñ hai aaj kal

qismat kī tīrgī kī kahānī na pūchhiye

sub.h-e-vatan bhī shām-e-ġharībāñ hai aaj kal

shirāza-e-ummīd shikasta hai in dinoñ

jam.īyat-e-ḳhayāl pareshāñ hai aaj kal

hai ik nigāh-e-mehr kī 'vāsif' ko aarzū

'vāsif' kā dil shikasta o vīrāñ hai aaj kal

zarra harif-e-mehr daraKHshan hai aaj kal

qatre ke dil mein shorish-e-tufan hai aaj kal

sad-jalwa be-hijab KHiraman hai aaj kal

sahma hua sa gumbad gardan hai aaj kal

aansu mein aks-e-naqsha-e-dauran hai aaj kal

simTa hua sa aalam-e-imkan hai aaj kal

barham mizaj-e-fitarat-e-insan hai aaj kal

kis maKHmase mein ghairat-e-yazdan hai aaj kal

qismat ki tirgi ki kahani na puchhiye

subh-e-watan bhi sham-e-ghariban hai aaj kal

shiraaza-e-ummid shikasta hai in dinon

jamiyat-e-KHayal pareshan hai aaj kal

hai ek nigah-e-mehr ki 'wasif' ko aarzu

'wasif' ka dil shikasta o viran hai aaj kal