aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

zindagi kya hue wo apne zamane wale

Akhtar Saeed Khan

zindagi kya hue wo apne zamane wale

Akhtar Saeed Khan

MORE BYAkhtar Saeed Khan

    zindagī kyā hue vo apne zamāne vaale

    yaad aate haiñ bahut dil ko dukhāne vaale

    rāste chup haiñ nasīm-e-saharī bhī chup hai

    jaane kis samt ga.e Thokareñ khāne vaale

    ajnabī ban ke na mil umr-e-gurezāñ ham se

    the kabhī ham bhī tire naaz uThāne vaale

    aa ki maiñ dekh luuñ khoyā huā chehra apnā

    mujh se chhup kar mirī tasvīr banāne vaale

    ham to ik din na jiye apnī ḳhushī se ai dil

    aur hoñge tire ehsān uThāne vaale

    dil se uThte hue sho.aloñ ko kahāñ le jaa.eñ

    apne har zaḳhm ko pahlū meñ chhupāne vaale

    nik.hat-e-sub.h-e-chaman bhuul na jaanā ki tujhe

    the hamīñ niiñd se har roz jagāne vaale

    hañs ke ab dekhte haiñ chāk-e-garebāñ merā

    apne aañsū mire dāman meñ chhupāne vaale

    kis se pūchhūñ ye siyah raat kaTegī kis din

    so ga.e ke kahāñ ḳhvāb dikhāne vaale

    har qadam duur huī jaatī hai manzil ham se

    rāh-e-gum-karda haiñ ḳhud raah dikhāne vaale

    ab jo rote haiñ mire hāl-e-zabūñ par 'aḳhtar'

    kal yahī the mujhe hañs hañs ke rulāne vaale

    zindagi kya hue wo apne zamane wale

    yaad aate hain bahut dil ko dukhane wale

    raste chup hain nasim-e-sahari bhi chup hai

    jaane kis samt gae Thokaren khane wale

    ajnabi ban ke na mil umr-e-gurezan hum se

    the kabhi hum bhi tere naz uThane wale

    aa ki main dekh lun khoya hua chehra apna

    mujh se chhup kar meri taswir banane wale

    hum to ek din na jiye apni KHushi se ai dil

    aur honge tere ehsan uThane wale

    dil se uThte hue shoalon ko kahan le jaen

    apne har zaKHm ko pahlu mein chhupane wale

    nikhat-e-subh-e-chaman bhul na jaana ki tujhe

    the hamin nind se har roz jagane wale

    hans ke ab dekhte hain chaak-e-gareban mera

    apne aansu mere daman mein chhupane wale

    kis se puchhun ye siyah raat kaTegi kis din

    so gae ja ke kahan KHwab dikhane wale

    har qadam dur hui jati hai manzil hum se

    rah-e-gum-karda hain KHud rah dikhane wale

    ab jo rote hain mere haal-e-zabun par 'aKHtar'

    kal yahi the mujhe hans hans ke rulane wale

    Source:

    Mujalla Dastavez (Pg. 295)

    • Author: Aziz Nabeel
      • Edition: 2010
      • Publisher: Edarah Dastavez
      • Year of Publication: 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now