gul tha bulbul thi gulistan mein magar tu hi na tha

gul thā bulbul thī gulistāñ meñ magar tū hī na thā

kyā gulistāñ vo gulistāñ thā agar tū hī na thā

shor-o-hañgāma to āshiq ko nahīñ detā hai zeb

sab hī zaḳhmī the vahāñ zer-o-zabar tū hī na thā

rang kitne the magar tujh ko na thā shauq-e-hayāt

ham-safar kitne the mushtāq-e-safar tū hī na thā

chaah shohrat ki na kar par tū yuuñ rusvā to na ho

terī ḳhātir thī sajī bazm-e-hunar tū hī na thā

kaisā manzar ho binā nūr-e-nazar kuchh bhī nahīñ

kaise manzar the par ai nūr-e-nazar tū hī na thā

mujh ko ḳhadsha thā ki tū jaadū hai par chhū hī liyā

vahī āḳhir ko huā jis kā thā Dar tū hī na thā

āshnā tū hī thā sheroñ ke ishāroñ se mire

kyā hī phir kartā bhalā arz-e-hunar tū hī na thā

gul tha bulbul thi gulistan mein magar tu hi na tha

kya gulistan wo gulistan tha agar tu hi na tha

shor-o-hangama to aashiq ko nahin deta hai zeb

sab hi zaKHmi the wahan zer-o-zabar tu hi na tha

rang kitne the magar tujh ko na tha shauq-e-hayat

ham-safar kitne the mushtaq-e-safar tu hi na tha

chah shohrat ki na kar par tu yun ruswa to na ho

teri KHatir thi saji bazm-e-hunar tu hi na tha

kaisa manzar ho bina nur-e-nazar kuchh bhi nahin

kaise manzar the par ai nur-e-nazar tu hi na tha

mujh ko KHadsha tha ki tu jadu hai par chhu hi liya

wahi aaKHir ko hua jis ka tha Dar tu hi na tha

aashna tu hi tha sheron ke ishaaron se mere

kya hi phir karta bhala arz-e-hunar tu hi na tha