Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

nargisistan ki bhi Tuk dekho phaban aaine mein

Insha Allah Khan Insha

nargisistan ki bhi Tuk dekho phaban aaine mein

Insha Allah Khan Insha

MORE BYInsha Allah Khan Insha

    nargisistāñ bhī Tuk dekho phaban ā.īne meñ

    baaġh mat jaao ki hai amn-o-chaman ā.īne meñ

    lahreñ letā hai paḌā machchhī bhavan ā.īne meñ

    chuum le bhalā apnā dahan ā.īne meñ

    raaja nal jo paḌā aks-e-dahan ā.īne meñ

    to nazar aa.ī use shakl-e-daman ā.īne meñ

    kyūñki maiñ jaise ko taisā na phir aa.uuñ nazar

    ya.anī kyā ma.anī na ho ā.īna-pan ā.īne meñ

    madh pe joban ke chaḌhe aise the vo to ki bas

    aa ga.e nashe meñ dekh apnī phaban ā.īne meñ

    tevar aise halākū haiñ jo kuchh bas ho to vo

    aks-e-ādam ko kareñ gor-o-kafan ā.īne meñ

    shaġhl-e-ā.īna se lazzat ye uThā.ī hai ki bas

    ham faqīroñ ne kiyā apnā vatan ā.īne meñ

    sho.ale aahoñ ke badan apne se haiñ yuuñ numūd

    mun.akis jaise ho sūraj kiran ā.īne meñ

    hauz-e-ā.īna se favvāra nazākat chhuTe

    raunaq-afzā jo ho vo chāh-e-zaqan ā.īne meñ

    vaah is tiflī o is shakl-e-javānī ke badal

    sāmne hoveñge ik mard-e-kuhan ā.īne meñ

    dekh kar apnī bahār us ne ye 'inshā' se kahā

    baaġh meñ kab hai chaman jo hai chaman ā.īne meñ

    nargisistan ki bhi Tuk dekho phaban aaine mein

    bagh mat jao ki hai amn-o-chaman aaine mein

    lahren leta hai paDa machchhi bhawan aaine mein

    chum le tu hi bhala apna dahan aaine mein

    raja nal ka jo paDa aks-e-dahan aaine mein

    to nazar aai use shakl-e-daman aaine mein

    kyunki main jaise ko taisa hi na phir aaun nazar

    yani kya mani na ho aaina-pan aaine mein

    madh pe joban ke chaDhe aise hi the wo to ki bas

    aa gae nashe mein dekh apni phaban aaine mein

    tewar aise hi halaku hain jo kuchh bas ho to wo

    aks-e-adam ko karen gor-o-kafan aaine mein

    shaghl-e-aina se lazzat ye uThai hai ki bas

    hum faqiron ne kiya apna watan aaine mein

    shoale aahon ke badan apne se hain yun hi numud

    munakis jaise ho suraj ki kiran aaine mein

    hauz-e-aina se fawwara nazakat ka chhuTe

    raunaq-afza jo ho wo chah-e-zaqan aaine mein

    wah is tifli o is shakl-e-jawani ke badal

    samne howenge ek mard-e-kuhan aaine mein

    dekh kar apni bahaar us ne ye 'insha' se kaha

    bagh mein kab hai chaman jo hai chaman aaine mein

    Tagged Under

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now