Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

shadid garmi ke mausam mein mushaira

Dilawar Figar

shadid garmi ke mausam mein mushaira

Dilawar Figar

MORE BYDilawar Figar

    ye mahfil-e-suḳhan thī may ke mahīne meñ

    shā.er sabhī nahā.e hue the pasīne meñ

    zinda raheñge hashr tak un shā.iroñ ke naam

    jo is mushā.ira meñ sunā.e ga.e kalām

    sadr-e-mushā.ira ki janāb-e-'ḳhumār' the

    bekas the be-vatan the ġharīb-ud-dayār the

    'māhir' the be-qarār to 'ahqar' the bad-havās

    'kausar' pukārte the ki paanī ik glass

    'shauq' o 'nushūr' o 'sāhir' o 'shā.er' 'figār' o 'rāz'

    ik maqbare meñ dafn the jumla shahīd-e-nāz

    aisā bhī ek vaqt nazar se guzar gayā

    jab 'sābrī' ke sabr paimāna bhar gayā

    ye mehmāñ the aur koī mezbāñ na thā

    in ''all-indiyoñ'' koī qadr-dāñ na thā

    garmī se dil-girafta na thā sirf ik 'amīr'

    kitne shā.iroñ vahāñ uTh gayā ḳhamīr

    ro ro ke kah rahā thā ik ustād-e-dhāmpur

    ''mārā dayār-e-ġhair meñ mujh ko vatan se dūr''

    al-qissa shā.iroñ vo miTTī huī palīd

    shā.er samajh rahe the ki ham ab hue shahīd

    vo shā.eroñ jamm-e-ġhafīr ek hall meñ

    dam toḌte hoñ jaise marīz aspatāl meñ

    vo tishnagī vo habs vo garmī ki al-amāñ

    muñh se nikal paḌī thī ik ustād zabāñ

    shā.er the band ek cinema ke haal meñ

    panchhī phañse hue the shikārī ke jaal meñ

    vo pyaas thī ki jām-e-qazā māñgte the log

    ''vo habs thā ki duā māñgte the log''

    mausam kuchh aisā garm kuchh itnā ḳharāb thā

    shā.er jo bazm-e-sher meñ aayā kabāb thā

    bazm-e-suḳhan raat qayāmat raat thī

    ham shā.eroñ ke haq meñ shahādat raat thī

    kuchh ahl-e-zauq laa.e the saath apne tauliyā

    nañge badan baiThe the kuchh piir o auliyā

    pājāma o qamīs na aayā badan ko raas

    baiThe the log pahne hue qudratī libās

    kaise kahūñ vo ahl-e-adab bevaqūf the

    itnā zarūr hai ki vo mausam-prōf the

    garmī se muztarib the ye shā.er ye sāma.īn

    kahte the ham pe rahm kar ai rabb-e-ālamīn

    ye āḳhirī gunāh to ho jaa.e dar-guzar

    ab ham mushā.ira meñ na jā.eñge bhuul kar

    ye hosh kis ko thā ki vahāñ kis ne kyā kiyā

    sab ko ye fikr thī ki mile jald ḳhūñ-bahā

    hālāñki jaan bachne sūrat na thī koī

    hukm-e-ḳhudā ki apnī qazā multavī huī

    ye mahfil-e-suKHan thi may ke mahine mein

    shaer sabhi nahae hue the pasine mein

    zinda rahenge hashr tak un shairon ke nam

    jo is mushaira mein sunae gae kalam

    sadr-e-mushaira ki janab-e-'KHumar' the

    bekas the be-watan the gharib-ud-dayar the

    'mahir' the be-qarar to 'ahqar' the bad-hawas

    'kausar' pukarte the ki pani ka ek glass

    'shauq' o 'nushur' o 'sahir' o 'shaer' 'figar' o 'raaz'

    ek maqbare mein dafn the jumla shahid-e-naz

    aisa bhi ek waqt nazar se guzar gaya

    jab 'sabri' ke sabr ka paimana bhar gaya

    ye mehman the aur koi mezban na tha

    in all-indiyon ka koi qadr-dan na tha

    garmi se dil-girafta na tha sirf ek 'amir'

    kitne hi shairon ka wahan uTh gaya KHamir

    ro ro ke kah raha tha ek ustad-e-dhampur

    mara dayar-e-ghair mein mujh ko watan se dur

    al-qissa shairon ki wo miTTi hui palid

    shaer samajh rahe the ki hum ab hue shahid

    wo shaeron ka jamm-e-ghafir ek hall mein

    dam toDte hon jaise mariz aspatal mein

    wo tishnagi wo habs wo garmi ki al-aman

    munh se nikal paDi thi ek ustad ki zaban

    shaer the band ek cinema ke haal mein

    panchhi phanse hue the shikari ke jal mein

    wo pyas thi ki jam-e-qaza mangte the log

    wo habs tha ki lu ki dua mangte the log

    mausam kuchh aisa garm kuchh itna KHarab tha

    shaer jo bazm-e-sher mein aaya kabab tha

    bazm-e-suKHan ki raat qayamat ki raat thi

    hum shaeron ke haq mein shahadat ki raat thi

    kuchh ahl-e-zauq lae the sath apne tauliya

    nange badan hi baiThe the kuchh pir o auliya

    pajama o qamis na aaya badan ko ras

    baiThe the log pahne hue qudrati libas

    kaise kahun wo ahl-e-adab bewaquf the

    itna zarur hai ki wo mausam-proof the

    garmi se muztarib the ye shaer ye samain

    kahte the hum pe rahm kar ai rabb-e-alamin

    ye aaKHiri gunah to ho jae dar-guzar

    ab hum mushaira mein na jaenge bhul kar

    ye hosh kis ko tha ki wahan kis ne kya kiya

    sab ko ye fikr thi ki mile jald KHun-baha

    haalanki jaan bachne ki surat na thi koi

    hukm-e-KHuda ki apni qaza multawi hui

    Source :
    • Book : Kulliyat Dilawar Figar (Pg. 473)

    Tagged Under

    ગુજરાતી ભાષા-સાહિત્યનો મંચ : રેખ્તા ગુજરાતી

    ગુજરાતી ભાષા-સાહિત્યનો મંચ : રેખ્તા ગુજરાતી

    મધ્યકાલથી લઈ સાંપ્રત સમય સુધીની ચૂંટેલી કવિતાનો ખજાનો હવે છે માત્ર એક ક્લિક પર. સાથે સાથે સાહિત્યિક વીડિયો અને શબ્દકોશની સગવડ પણ છે. સંતસાહિત્ય, ડાયસ્પોરા સાહિત્ય, પ્રતિબદ્ધ સાહિત્ય અને ગુજરાતના અનેક ઐતિહાસિક પુસ્તકાલયોના દુર્લભ પુસ્તકો પણ તમે રેખ્તા ગુજરાતી પર વાંચી શકશો

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now