گھر داماد کا پچھتاوا

گھر دامادی کر کے میں نے خود کو لیا جنجال میں ڈال

میں سمجھا تھا عیش کروں گا لیکن جینا ہوا محال

نوکر ہوں داماد نہیں ہوں کرتا ہوں گھر کے سب کام

تھکن سے حال خراب ہے میرا پیلا ہو گیا ماں کا لال

ساس مجھے جب سب کے سامنے موا نکھٹو کہتی ہے

تب میرا دل کہتا ہے جا اس کے گلے میں پھندا ڈال

جب بھی اس کے سامنے جاؤں ناک اور بھنویں چڑھاتی ہے

مجھ سے بس اتنا کہتی ہے جا اور جا کر دال ابال

ذرا سی بھی غلطی کر دوں تو موقع اسے مل جاتا ہے

مار کے چانٹا کر دیتی ہے گال مرا وہ لال گلال

اس کی باتوں سے جلتا ہے دل اور مجھ سے کہتا ہے

اس دفعہ اسے کھانا دے تو اس میں تھوڑا کچلا ڈال

ڈال تو دوں میں کچلا لیکن پولس مجھے نہیں چھوڑے گی

جج بھی بس اتنا ہی کہے گا پکڑا کیوں گیا میرے لال