aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

TuTa tha ghar mein kya kya ye arz phir karunga

Ameerul Islam Hashmi

TuTa tha ghar mein kya kya ye arz phir karunga

Ameerul Islam Hashmi

MORE BYAmeerul Islam Hashmi

    TuuTā thā ghar meñ kyā kyā ye arz phir karūñgā

    phir ghar meñ kyā huā thā ye arz phir karūñgā

    itnā baḌā lifāfa aur kaam thā zarā

    kyā kaam thā zarā ye arz phir karūñgā

    mullā na kyā kiyā thā mullā na kyā kyā hai

    mullā karegā kyā kyā ye arz phir karūñgā

    dekhā jo shaiḳh-jī ne bole ki muḳhtasar hai

    vo kyā hai muḳhtasar ye arz phir karūñgā

    shānoñ pe jo paḌā thā kahne ko thā dupaTTa

    kyā kuchh Dhakā chhupā thā ye arz phir karūñgā

    laḌkī classici thī laḌkā classical thā

    kaisā thā vo do-shāḳha ye arz phir karūñgā

    araqunnisā nusḳha mehrunnisā ne likkhā

    nusḳhe meñ kyā likhā thā ye arz phir karūñgā

    be-vazn sab the shā.ir ruq.e magar the vaznī

    roq.oñ vazn kyā thā ye arz phir karūñgā

    laḌkī ne bhī qubūlā laḌke ne bhī qubūlā

    donoñ ne kyā qubūlā ye arz phir karūñgā

    kuchh arz kar diyā hai kuchh arz phir karūñgā

    kyā arz phir karūñgā ye arz phir karūñgā

    TuTa tha ghar mein kya kya ye arz phir karunga

    phir ghar mein kya hua tha ye arz phir karunga

    itna baDa lifafa aur kaam tha zara sa

    kya kaam tha zara sa ye arz phir karunga

    mulla na kya kiya tha mulla na kya kya hai

    mulla karega kya kya ye arz phir karunga

    dekha jo shaiKH-ji ne bole ki muKHtasar hai

    wo kya hai muKHtasar sa ye arz phir karunga

    shanon pe jo paDa tha kahne ko tha dupaTTa

    kya kuchh Dhaka chhupa tha ye arz phir karunga

    laDki classici ki thi laDka classical tha

    kaisa tha wo do-shaKHa ye arz phir karunga

    araqunnisa ka nusKHa mehrunnisa ne likkha

    nusKHe mein kya likha tha ye arz phir karunga

    be-wazn sab the shair ruqe magar the wazni

    roqon ka wazn kya tha ye arz phir karunga

    laDki ne bhi qubula laDke ne bhi qubula

    donon ne kya qubula ye arz phir karunga

    kuchh arz kar diya hai kuchh arz phir karunga

    kya arz phir karunga ye arz phir karunga

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now