aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ghaalib dilli mein

Saghar Khayyami

ghaalib dilli mein

Saghar Khayyami

MORE BYSaghar Khayyami

    'ġhālib' ne ye arz ḳhudāvand-e-zul-jalāl

    jannat se kuchh dinoñ ke liye kar mujhe bahāl

    mah-vash mire kalām ko sāzoñ pe gaa.e haiñ

    qismat ne ba.ad marne ke kyā din dikhā.e haiñ

    shā.er jo munharif the vo mar.ūb ho ga.e

    aivāñ jo mere naam se mansūb ho ga.e

    ḳhādim is idāre se rishta hai bāhamī

    ik baar maiñ bhī dekh luuñ ġhālib-academy

    har shaḳhs ke huzūr maiñ phailā.e haat thā

    nā-qadriyoñ ke daur meñ fidvī hayāt thā

    hukm-e-ḳhudā huā ki zarā jald jā.iye

    duniyā ko ke phir se zarā dekh aa.iye

    'sāġhar' ba-ehtirām ḳhudā ke vakīl ne

    dillī meñ ke chhoḌ diyā jibra.īl ne

    ik saath do baseñ jo bhanā-bhan guzar ga.iiñ

    hūroñ ne jo sañvārī thiiñ zulfeñ bikhar ga.iiñ

    kāñdhe se kāñdhā maar ke mah-vash nikal gayā

    uulā se saanī sher meter badal gayā

    baiThe jo bus meñ aur hue hosh bāḳhtā

    jannat samt uḌtī nazar aa.ī fāḳhta

    jhaTke se bas ke reshmī poshāk phaT ga.ī

    jhurmuT meñ laḌkiyoñ ke the aur jeb kaT ga.ī

    dekhā jo hippiyoñ ko to dil shaad ho ga.e

    samjhe ki qaidī qaid se āzād ho ga.e

    ḳhufiya police bhī āda-o-atvār dekh kar

    pīchhe lagī thī jubba-o-dastār dekh kar

    'ġhālib' jo nigāh idhar se udhar ga.ī

    urdu ik kitāb nazar se guzar ga.ī

    urdu ke zar-nigār kisī āftāb ne

    tote ko ''te'' se likkhā thā ḳhāna-ḳharāb ne

    'ġhālib' ye samjhe yaar kahīñ popalā na ho

    tasnīf karne vaalā kahīñ totlā na ho

    ye daaġh dhul sakeñge na ashkoñ ke dho.e se

    tā-umr maiñ ne likkhā hai tote ko ''toy'' se

    vallāh be-bulā.e barātī se ho ga.ī

    'ġhālib' bheñT ek sahāfī se ho ga.ī

    bole baḌe vaqār se 'ġhālib' hai merā naam

    jannat se saath aa.e haiñ jibra.īl zī-maqām

    bole ki kitne logoñ pe 'ġhālib' bhuut hai

    haiñ aap vāqa.ī koī is subūt hai

    be-nūr jo charāġh haiñ vo āftāb haiñ

    kis kis ko ham batā.eñ ki 'ġhālib' janāb haiñ

    vallāh jhuum jā.egī duniyā huzūr

    jannat se saath laayā huuñ tasvīr huur

    tasvīr dekh kar kahā suniye baḌe miyāñ

    is shakl mileñgī hazāroñ laḌkiyāñ

    hūroñ se gaah gaah jo ḳhat maiñ ne paa.e haiñ

    jibra.īl apne saath vo sab le ke aa.e haiñ

    ḳhat paḌh ke bole vaah yahī ḳhat haiñ kyā janāb

    jin meñ na soz-o-sāz na shikve na iztirāb

    ye ḳhat bhī paḌh ke dekhiye jo mere paas haiñ

    hūroñ se baḌh ke laḌkiyāñ yaañ advance haiñ

    har ārzu-e-dil ko ba-tasvīr likhtī haiñ

    maatā pitā ko paañv zanjīr likhtī haiñ

    aa.e the chaar roz ko jaldī guzar ga.e

    'ġhālib' vafūr-e-sharm se do din meñ mar ga.e

    pūchhā ḳhudā ne haal to 'ġhālib' ne ye kahā

    jannat se ab na jā.egā ye banda-e-ḳhudā

    jiinā zamāne vāloñ ne dushvār kar diyā

    pahchānñe se bhī mire inkār kar diyā

    aa.ī sadā-e-haq ki yahī band-o-bast haiñ

    tere vatan ke log to murda-parast haiñ

    'ghaalib' ne ki ye arz KHudawand-e-zul-jalal

    jannat se kuchh dinon ke liye kar mujhe bahaal

    mah-wash mere kalam ko sazon pe gae hain

    qismat ne baad marne ke kya din dikhae hain

    shaer jo munharif the wo marub ho gae

    aiwan jo mere nam se mansub ho gae

    KHadim ka is idare se rishta hai bahami

    ek bar main bhi dekh lun ghaalib-academy

    har shaKHs ke huzur main phailae hat tha

    na-qadriyon ke daur mein fidwi hayat tha

    hukm-e-KHuda hua ki zara jald jaiye

    duniya ko ja ke phir se zara dekh aaiye

    'saghar' ba-ehtiram KHuda ke wakil ne

    dilli mein la ke chhoD diya jibrail ne

    ek sath do basen jo bhana-bhan guzar gain

    huron ne jo sanwari thin zulfen bikhar gain

    kandhe se kandha mar ke mah-wash nikal gaya

    ula se sani sher ka meter badal gaya

    baiThe jo bus mein aur hue hosh baKHta

    jannat ki samt uDti nazar aai faKHta

    jhaTke se bas ke reshmi poshak phaT gai

    jhurmuT mein laDkiyon ke the aur jeb kaT gai

    dekha jo hippiyon ko to dil shad ho gae

    samjhe ki qaidi qaid se aazad ho gae

    KHufiya police bhi aada-o-atwar dekh kar

    pichhe lagi thi jubba-o-dastar dekh kar

    'ghaalib' ki jo nigah idhar se udhar gai

    urdu ki ek kitab nazar se guzar gai

    urdu ke zar-nigar kisi aaftab ne

    tote ko te se likkha tha KHana-KHarab ne

    'ghaalib' ye samjhe yar kahin popala na ho

    tasnif karne wala kahin totla na ho

    ye dagh dhul sakenge na ashkon ke dhoe se

    ta-umr main ne likkha hai tote ko toy se

    wallah be-bulae baraati se ho gai

    'ghaalib' ki bhenT ek sahafi se ho gai

    bole baDe waqar se 'ghaalib' hai mera nam

    jannat se sath aae hain jibrail zi-maqam

    bole ki kitne logon pe 'ghaalib' ka bhut hai

    hain aap waqai koi is ka subut hai

    be-nur jo charagh hain wo aaftab hain

    kis kis ko hum bataen ki 'ghaalib' janab hain

    wallah jhum jaegi duniya huzur ki

    jannat se sath laya hun taswir hur ki

    taswir dekh kar kaha suniye baDe miyan

    is shakl ki milengi hazaron hi laDkiyan

    huron se gah gah jo KHat main ne pae hain

    jibrail apne sath wo sab le ke aae hain

    KHat paDh ke bole wah yahi KHat hain kya janab

    jin mein na soz-o-saz na shikwe na iztirab

    ye KHat bhi paDh ke dekhiye jo mere pas hain

    huron se baDh ke laDkiyan yan adwance hain

    har aarzu-e-dil ko ba-taswir likhti hain

    mata pita ko panw ki zanjir likhti hain

    aae the chaar roz ko jaldi guzar gae

    'ghaalib' wafur-e-sharm se do din mein mar gae

    puchha KHuda ne haal to 'ghaalib' ne ye kaha

    jannat se ab na jaega ye banda-e-KHuda

    jina zamane walon ne dushwar kar diya

    pahchanne se bhi mere inkar kar diya

    aai sada-e-haq ki yahi band-o-bast hain

    tere watan ke log to murda-parast hain

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now