haal se behaal jaise log hain

haal se behāl jaise log haiñ

hippiyoñ ke baal jaise log haiñ

muflisoñ kangāl jaise log haiñ

ye mere susrāl jaise log haiñ

phuul jaate haiñ zarā sī baat par

kyā chane kī daal jaise log haiñ

gul se ḳhālī aur kāñToñ se bhare

khejḌe kī Daal jaise log haiñ

aa ke hāthoñ meñ phisal jaate haiñ ye

reshmī rūmāl jaise log haiñ

ek kone meñ paḌe haiñ be-hisāb

lakḌiyoñ kī Taal jaise log haiñ

terī rāhoñ meñ bichhe haiñ har taraf

dekh le tirpāl jaise log haiñ

Dho rahe haiñ zindagī ke bojh ko

ham sabhī hammāl jaise log haiñ

'be-takalluf' dushT ek tū hī nahīñ

aur bhī chanDāl jaise log haiñ

haal se behaal jaise log hain

hippiyon ke baal jaise log hain

muflison kangal jaise log hain

ye mere susral jaise log hain

phul jate hain zara si baat par

kya chane ki dal jaise log hain

gul se KHali aur kanTon se bhare

khejDe ki Dal jaise log hain

aa ke hathon mein phisal jate hain ye

reshmi rumal jaise log hain

ek kone mein paDe hain be-hisab

lakDiyon ki Tal jaise log hain

teri rahon mein bichhe hain har taraf

dekh le tirpal jaise log hain

Dho rahe hain zindagi ke bojh ko

hum sabhi hammal jaise log hain

'be-takalluf' dushT ek tu hi nahin

aur bhi chanDal jaise log hain