qarz le kar ada nahin karte

qarz le kar adā nahīñ karte

shā.ir is ke sivā nahīñ karte

ham kisī kā bhalā nahīñ karte

kaam be-fā.eda nahīñ karte

ek shādī pe iktifā kar lo

ye ḳhatā bārhā nahīñ karte

laakh va.ada kareñge vo ham se

koī va.ada vafā nahīñ karte

sūkhe peḌoñ kī tarah ye leader

ham pe saaya zarā nahīñ karte

āsmāñ ko zamīn likhte haiñ

log jiddat meñ kyā nahīñ karte

pairvī kyā kareñge 'ġhālib' kī

muft kī jab piyā nahīñ karte

un ko shā.ir nahīñ kahūñgā maiñ

jo kisī se jalā nahīñ karte

baal billī ke mūñDhte haiñ 'rahīm'

log furqat meñ kyā nahīñ karte

qarz le kar ada nahin karte

shair is ke siwa nahin karte

hum kisi ka bhala nahin karte

kaam be-faeda nahin karte

ek shadi pe iktifa kar lo

ye KHata barha nahin karte

lakh wada karenge wo hum se

koi wada wafa nahin karte

sukhe peDon ki tarah ye leader

hum pe saya zara nahin karte

aasman ko zamin likhte hain

log jiddat mein kya nahin karte

pairwi kya karenge 'ghaalib' ki

muft ki jab piya nahin karte

un ko shair nahin kahunga main

jo kisi se jala nahin karte

baal billi ke munDhte hain 'rahim'

log furqat mein kya nahin karte