aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ai sharif insano

Sahir Ludhianvi

ai sharif insano

Sahir Ludhianvi

MORE BYSahir Ludhianvi

    Interesting Fact

    (Written against the backdrop of the Indo-Pakistani war and aired on Tashkent's anniversary)

    ḳhuun apnā ho parāyā ho

    nasl-e-ādam ḳhuun hai āḳhir

    jañg mashriq meñ ho ki maġhrib meñ

    amn-e-ālam ḳhuun hai āḳhir

    bam gharoñ par gireñ ki sarhad par

    rūh-e-ta.amīr zaḳhm khātī hai

    khet apne jaleñ ki auroñ ke

    ziist fāqoñ se tilmilātī hai

    tank aage baḌheñ ki pichhe haTeñ

    kokh dhartī bāñjh hotī hai

    fat.h jashn ho ki haar sog

    zindagī mayyatoñ pe rotī hai

    jañg to ḳhud ek mas.ala hai

    jañg kyā mas.aloñ hal degī

    aag aur ḳhuun aaj baḳhshegī

    bhuuk aur ehtiyāj kal degī

    is liye ai sharīf insāno

    jañg Taltī rahe to behtar hai

    aap aur ham sabhī ke āñgan meñ

    sham.a jaltī rahe to behtar hai

    2

    bartarī ke subūt ḳhātir

    ḳhuuñ bahānā kyā zarūrī hai

    ghar tārīkiyāñ miTāne ko

    ghar jalānā kyā zarūrī hai

    jañg ke aur bhī to maidāñ haiñ

    sirf maidān-e-kisht-o-ḳhūñ nahīñ

    hāsil-e-zindagī ḳhirad bhī hai

    hāsil-e-zindagī junūñ nahīñ

    aao is tīra-baḳht duniyā meñ

    fikr raushnī ko aam kareñ

    amn ko jin se taqviyat pahuñche

    aisī jañgoñ ehtimām kareñ

    jañg vahshat se barbariyyat se

    amn tahzīb o irtiqā ke liye

    jañg marg-āfrīñ siyāsat se

    amn insān baqā ke liye

    jañg iflās aur ġhulāmī se

    amn behtar nizām ḳhātir

    jañg bhaTkī huī qayādat se

    amn be-bas avaam ḳhātir

    jañg sarmā.e ke tasallut se

    amn jamhūr ḳhushī ke liye

    jañg jañgoñ ke falsafe ke ḳhilāf

    amn pur-amn zindagī ke liye

    KHun apna ho ya paraya ho

    nasl-e-adam ka KHun hai aaKHir

    jang mashriq mein ho ki maghrib mein

    amn-e-alam ka KHun hai aaKHir

    bam gharon par giren ki sarhad par

    ruh-e-tamir zaKHm khati hai

    khet apne jalen ki auron ke

    zist faqon se tilmilati hai

    tank aage baDhen ki pichhe haTen

    kokh dharti ki banjh hoti hai

    fath ka jashn ho ki haar ka sog

    zindagi mayyaton pe roti hai

    jang to KHud hi ek masala hai

    jang kya masalon ka hal degi

    aag aur KHun aaj baKHshegi

    bhuk aur ehtiyaj kal degi

    is liye ai sharif insano

    jang Talti rahe to behtar hai

    aap aur hum sabhi ke aangan mein

    shama jalti rahe to behtar hai

    2

    bartari ke subut ki KHatir

    KHun bahana hi kya zaruri hai

    ghar ki tarikiyan miTane ko

    ghar jalana hi kya zaruri hai

    jang ke aur bhi to maidan hain

    sirf maidan-e-kisht-o-KHun hi nahin

    hasil-e-zindagi KHirad bhi hai

    hasil-e-zindagi junun hi nahin

    aao is tira-baKHt duniya mein

    fikr ki raushni ko aam karen

    amn ko jin se taqwiyat pahunche

    aisi jangon ka ehtimam karen

    jang wahshat se barbariyyat se

    amn tahzib o irtiqa ke liye

    jang marg-afrin siyasat se

    amn insan ki baqa ke liye

    jang iflas aur ghulami se

    amn behtar nizam ki KHatir

    jang bhaTki hui qayaadat se

    amn be-bas awam ki KHatir

    jang sarmae ke tasallut se

    amn jamhur ki KHushi ke liye

    jang jangon ke falsafe ke KHilaf

    amn pur-amn zindagi ke liye

    Videos
    This video is playing from YouTube

    Videos
    This video is playing from YouTube

    Tauseef Akhtar

    Tauseef Akhtar

    Zulfiqar Ali Bukhari

    Zulfiqar Ali Bukhari

    Unknown

    Unknown

    RECITATIONS

    Nomaan Shauque

    Nomaan Shauque,

    Nomaan Shauque

    Ai shareef insano - sahir ludhianvi Nomaan Shauque

    Source:

    Kulliyat-e-Sahir Ludhianvi (Pg. 210)

    • Author: SAHIR LUDHIANVI
      • Publisher: Farid Book Depot (Pvt.) Ltd

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now