aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bint-e-hawwa

Hina Rizwi

bint-e-hawwa

Hina Rizwi

MORE BYHina Rizwi

    bint-e-havvā huuñ maiñ aurat hai mirā ism-e-sharīf

    hai ye pahchān mirī aur yahī hai tārīf

    mujh ko hai faḳhr ki us qaum se nisbat hai mirī

    fātima mariyam-o-sītā haiñ rahbar jis

    maiñ bhī ashraf huuñ nigāhoñ meñ ḳhudā mere

    merī to god meñ khele haiñ masīhā kitne

    kitne valiyoñ ne mire haath roTī khaa.ī

    kitne shāhoñ ne mire paañv meñ jannat paa.ī

    maiñ patthar ke makānoñ ko banātī ghar huuñ

    maiñ duniyā-e-mohabbat hasīñ mehvar huuñ

    mere ausāf gināne ko ye kāġhaz kam haiñ

    sinf-e-nāzuk huuñ magar ruuh mirī rustam hai

    maiñ ne jazboñ tasadduq va bharam rakkhā hai

    merī zaat se mansūb har ik rishta hai

    maañ bahan huuñ kabhī biivī to kabhī beTī huuñ

    koī kirdār ho mardoñ se vafā kartī huuñ

    haañ magar shart-e-vafā ye hai ki pā.ūñ bhī vafā

    maiñ bhī insān huuñ kamtar nahīñ rutba merā

    aur rishtoñ se alag bhī hai mirī ik hastī

    jo faqat ghar meñ mahdūd nahīñ rah saktī

    ġhuncha-o-gul se bhī kab chāhiye tashbīh mujhe

    husn-e-sīrat se mire dījiye tarjīh mujhe

    merī zulfoñ mire kājal na bāteñ kariye

    kuchh mire zauq-o-zehānat ko bhī achchhā kahiye

    haisiyat ho nahīñ saktī nazar-andāz mirī

    rok saktā nahīñ ab koī bhī parvāz mirī

    āsmāñ kyā hai ḳhalā tak hai rasā.ī merī

    azm de saktā hai ḳhud baḌh ke gavāhī merī

    be-nazīr indarā aur kalpanā aur hiir huuñ maiñ

    apne har ḳhvāb ab jāgtī ta.abīr huuñ maiñ

    merā hargiz nahīñ kahnā mujhe bartar samjheñ

    mard hazrāt mujhe sirf barābar samjheñ

    maiñ chalūñ shāna-ba-shāna to burā mat māneñ

    merī hurmat merī azmat ko zarā pahchāneñ

    bint-e-havvā huuñ 'hinā' baat baḌī hai merī

    naam aurat hai mirā zaat baḌī hai merī

    bint-e-hawwa hun main aurat hai mera ism-e-sharif

    hai ye pahchan meri aur yahi hai tarif

    mujh ko hai faKHr ki us qaum se nisbat hai meri

    fatima mariyam-o-sita si hain rahbar jis ki

    main bhi ashraf hun nigahon mein KHuda ki mere

    meri to god mein khele hain masiha kitne

    kitne waliyon ne mere hath ki roTi khai

    kitne shahon ne mere panw mein jannat pai

    main hi patthar ke makanon ko banati ghar hun

    main hi duniya-e-mohabbat ka hasin mehwar hun

    mere ausaf ginane ko ye kaghaz kam hain

    sinf-e-nazuk hun magar ruh meri rustam hai

    main ne jazbon ka tasadduq wa bharam rakkha hai

    meri hi zat se mansub har ek rishta hai

    man bahan hun kabhi biwi to kabhi beTi hun

    koi kirdar ho mardon se wafa karti hun

    han magar shart-e-wafa ye hai ki paun bhi wafa

    main bhi insan hun kamtar nahin rutba mera

    aur rishton se alag bhi hai meri ek hasti

    jo faqat ghar mein hi mahdud nahin rah sakti

    ghuncha-o-gul se bhi kab chahiye tashbih mujhe

    husn-e-sirat se mere dijiye tarjih mujhe

    meri zulfon mere kajal ki na baaten kariye

    kuchh mere zauq-o-zehanat ko bhi achchha kahiye

    haisiyat ho nahin sakti nazar-andaz meri

    rok sakta nahin ab koi bhi parwaz meri

    aasman kya hai KHala tak hai rasai meri

    azm de sakta hai KHud baDh ke gawahi meri

    be-nazir indara aur kalpana aur hir hun main

    apne har KHwab ki ab jagti tabir hun main

    mera hargiz nahin kahna mujhe bartar samjhen

    mard hazraat mujhe sirf barabar samjhen

    main chalun shana-ba-shana to bura mat manen

    meri hurmat meri azmat ko zara pahchanen

    bint-e-hawwa hun 'hina' baat baDi hai meri

    nam aurat hai mera zat baDi hai meri

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now