achchhi baaten

pyāre bachcho tum ek kaam karo

apnī nekī se paidā naam karo

bā-adab bā-nasīb hotā hai

tum buzurgoñ kā ehtirām karo

be-adab be-nasīb hotā hai

is liye sab ko tum salām karo

tum se nārāz ho agar koī

apnī bātoñ se us ko raam karo

apne dushman se ḳhud gale mil kar

saare shikve-gile tamām karo

jis kisī se milo to hañs ke milo

narm lahje meñ phir kalām karo

raah meñ jab mile koī majbūr

chhoḌ kar apnā us kā kaam karo

baiThne se jahāñ mile nekī

aisī majlis kā ehtimām karo

ḳhuub mehnat karo paḌhā.ī meñ

bas yahī kaam sub.h-o-shām karo

apne kirdār ke sahāre tum

ilm kā shauq sab meñ aam karo

ilm hī lā-zavāl daulat hai

mushtahar bas yahī payām karo

pyare bachcho tum ek kaam karo

apni neki se paida nam karo

ba-adab ba-nasib hota hai

tum buzurgon ka ehtiram karo

be-adab be-nasib hota hai

is liye sab ko tum salam karo

tum se naraaz ho agar koi

apni baaton se us ko ram karo

apne dushman se KHud gale mil kar

sare shikwe-gile tamam karo

jis kisi se milo to hans ke milo

narm lahje mein phir kalam karo

rah mein jab mile koi majbur

chhoD kar apna us ka kaam karo

baiThne se jahan mile neki

aisi majlis ka ehtimam karo

KHub mehnat karo paDhai mein

bas yahi kaam subh-o-sham karo

apne kirdar ke sahaare tum

ilm ka shauq sab mein aam karo

ilm hi la-zawal daulat hai

mushtahar bas yahi payam karo