jawan-marg ka nauha

hameñ javānī meñ maut aa.egī

bhīgte takiye ke sard siine pe

apnī sāñsoñ meñ garm bāñhoñ kī pyaas le kar sulagne vaalī

har ek doshīza jāntī hai

ki aañkh jab ḳhvāb ke sahīfe ko chaaT le gī

to nuuh capsule se pukāregā

pyāre beTe' amaañ meñ aao

lo, maiñ ne jo qabr umr ke belche se apne liye banā.ī hai

us kī rānoñ meñ

tum bhī apnā badan sameTo

tumhāre ek haath chāñd aur dūsre pe sūraj

ki maslahat kī craze qaa.em rahe

glamour tumhāre collar meñ phuul ban kar khile

ai beTe, ye shahr uryāniyoñ meñ nuchḌe-gā

aur is par azaab daa.im hai

hamein jawani mein maut aaegi

bhigte takiye ke sard sine pe

apni sanson mein garm banhon ki pyas le kar sulagne wali

har ek doshiza jaanti hai

ki aankh jab KHwab ke sahife ko chaT le gi

to nuh capsule se pukarega

pyare beTe' aman mein aao

lo, main ne jo qabr umr ke belche se apne liye banai hai

us ki ranon mein

tum bhi apna badan sameTo

tumhaare ek hath chand aur dusre pe suraj

ki maslahat ki craze qaem rahe

glamour tumhaare collar mein phul ban kar khile

ai beTe, ye shahr uryaniyon mein nuchDe-ga

aur is par azab daim hai