aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

chhabbis january

Tilok Chand Mahroom

chhabbis january

Tilok Chand Mahroom

MORE BYTilok Chand Mahroom

    ye daur-e-nau-mubārak farḳhanda-aḳhtarī

    jamhūriyat āġhāz anjām qaisarī

    kyā jāñ-fazā hai jalva ḳhurshīd-e-ḳhāvarī

    har ik shuā-e-raqsāñ misra.a hai anvarī

    roz-e-sa.īd aayā chhabbīs january

    daur-e-jadīd laayā bhārat bartarī

    bhārat bartarī meñ kis ko kalām hai ab

    thā jo rahīn-e-pastī gardūñ-maqām hai ab

    jamhūriyat pe qaa.em saarā nizām hai ab

    aalā hai hai adnā bā-ehtirām hai ab

    roz-e-sa.īd aayā chhabbīs january

    daur-e-jadīd laayā bhārat bartarī

    sadiyoñ ke band TuuTe āzād hoga.e ham

    qaid-e-girāñ se chhūTe dil-e-shād ho ga.e ham

    be-ḳhauf be-niyāz-e-sayyād ho ga.e ham

    phir bas gayā nasheman ābād hoga.e ham

    roz-e-sa.īd aayā chhabbīs january

    daur-e-jadīd laayā bhārat bartarī

    jo muztarib thī dil meñ vo aarzū bar aa.ī

    takmīl-e-ārzū ne dil ḳhalish miTā.ī

    jis mulk par ġhulāmī ban ban ke shaam chhā.ī

    sub.h-e-masarrat us ko allāh ne dikhā.ī

    roz-e-sa.īd aayā chhabbīs january

    daur-e-jadīd laayā bhārat bartarī

    ta.abīr-e-ḳhvāb-e-'gāñdhī' tafsīr-e-hāl-e-'nehrū'

    'āzād' riyāzat 'sardār' tagāpū

    raḳhshāñ hai hurriyat zebā-nigār dil-jū

    taskīn-e-qalb muslim ārām-e-jān-e-hindū

    roz-e-sa.īd aayā chhabbīs january

    daur-e-jadīd laayā bhārat bartarī

    qurbāñ hue jo is par rūheñ haiñ shaad un

    ham jis se bahra-var haiñ vo hai murād un

    hai bas-ki sarfaroshī shāyān-e-dād un

    bhārat is ḳhushī meñ shāmil hai yaad un

    roz-e-sa.īd aayā chhabbīs january

    daur-e-jadīd laayā bhārat bartarī

    āzād ho gayā jab hindostāñ hamārā

    hai suud ke barābar har ik ziyāñ hamārā

    manzil pe aan pahuñchā jab kārvāñ hamārā

    kyuuñ ho ġhubār-e-manzil ḳhātir-nishāñ hamārā

    roz-e-sa.īd aayā chhabbīs january

    daur-e-jadīd laayā bhārat bartarī

    aivān-e-farruḳhī tāmīr-e-nau mubārak

    ā.īn-e-zindagī tadbīr-e-nau mubārak

    har zarra-e-vatan ko tanvīr-e-nau mubārak

    bhārat ke har bashar ko tauqīr-e-nau mubārak

    roz-e-sa.īd aayā chhabbīs january

    daur-e-jadīd laayā bhārat bartarī

    bhārat azm hai ye taufīq ai ḳhudā de

    duniyā se īn-o-āñ tafrīq ko miTā de

    amn-o-amāñ se rahnā har mulk ko sikhā de

    har qaum shukriye meñ har saal ye sadā de

    roz-e-sa.īd aayā chhabbīs january

    daur-e-jadīd laayā bhārat bartarī

    ye daur-e-nau-mubarak farKHanda-aKHtari ka

    jamhuriyat ka aaghaz anjam qaisari ka

    kya jaan-faza hai jalwa KHurshid-e-KHawari ka

    har ek shua-e-raqsan misra hai anwari ka

    roz-e-said aaya chhabbis january ka

    daur-e-jadid laya bhaarat ki bartari ka

    bhaarat ki bartari mein kis ko kalam hai ab

    tha jo rahin-e-pasti gardun-maqam hai ab

    jamhuriyat pe qaem sara nizam hai ab

    aala hai ya hai adna ba-ehtiram hai ab

    roz-e-said aaya chhabbis january ka

    daur-e-jadid laya bhaarat ki bartari ka

    sadiyon ke band TuTe aazad hogae hum

    qaid-e-giran se chhuTe dil-e-shad ho gae hum

    be-KHauf be-niyaz-e-sayyaad ho gae hum

    phir bas gaya nasheman aabaad hogae hum

    roz-e-said aaya chhabbis january ka

    daur-e-jadid laya bhaarat ki bartari ka

    jo muztarib thi dil mein wo aarzu bar aai

    takmil-e-arzu ne dil ki KHalish miTai

    jis mulk par ghulami ban ban ke sham chhai

    subh-e-masarrat us ko allah ne dikhai

    roz-e-said aaya chhabbis january ka

    daur-e-jadid laya bhaarat ki bartari ka

    tabir-e-KHwab-e-'gandhi' tafsir-e-haal-e-'nehru'

    'azad' ki riyazat 'sardar' ki tagapu

    raKHshan hai hurriyat ka zeba-nigar dil-ju

    taskin-e-qalb muslim aaram-e-jaan-e-hindu

    roz-e-said aaya chhabbis january ka

    daur-e-jadid laya bhaarat ki bartari ka

    qurban hue jo is par ruhen hain shad un ki

    hum jis se bahra-war hain wo hai murad un ki

    hai bas-ki sarfaroshi shayan-e-dad un ki

    bhaarat ki is KHushi mein shamil hai yaad un ki

    roz-e-said aaya chhabbis january ka

    daur-e-jadid laya bhaarat ki bartari ka

    aazad ho gaya jab hindostan hamara

    hai sud ke barabar har ek ziyan hamara

    manzil pe aan pahuncha jab karwan hamara

    kyun ho ghubar-e-manzil KHatir-nishan hamara

    roz-e-said aaya chhabbis january ka

    daur-e-jadid laya bhaarat ki bartari ka

    aiwan-e-farruKHi ki tamir-e-nau mubarak

    aain-e-zindagi ki tadbir-e-nau mubarak

    har zarra-e-watan ko tanwir-e-nau mubarak

    bhaarat ke har bashar ko tauqir-e-nau mubarak

    roz-e-said aaya chhabbis january ka

    daur-e-jadid laya bhaarat ki bartari ka

    bhaarat ka azm hai ye taufiq ai KHuda de

    duniya se in-o-an ki tafriq ko miTa de

    amn-o-aman se rahna har mulk ko sikha de

    har qaum shukriye mein har sal ye sada de

    roz-e-said aaya chhabbis january ka

    daur-e-jadid laya bhaarat ki bartari ka

    Source:

    Urdu Mein Qaumi Shairi Ke Sau Saal (Pg. 437)

    • Author: Ali Jawad Zaidi
      • Edition: 1982,Editon II 2010
      • Publisher: Uttar Pradesh Urdu Acadmi (Lucknow)
      • Year of Publication: 1982,Editon II 2010

    This content features in following collection(s)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now