aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ek jila-watan ki wapsi

Asrarul Haq Majaz

ek jila-watan ki wapsi

Asrarul Haq Majaz

MORE BYAsrarul Haq Majaz

    phir ḳhabar garm hai vo jān-e-vatan aatā hai

    phir vo zindānī-e-zindān-e-vatan aatā hai

    vo ḳharāb-e-gul-o-raihān-e-vatan aatā hai

    misr se yūsuf-e-kan.ān-e-vatan aatā hai

    ''koī ma.ashūq ba-sad-shaukat-o-nāz aatā hai

    surḳh bairaq hai samundar meñ jahāz aatā hai''

    riñd-e-be-kaif ko thī bāda-o-sāġhar talāsh

    nāzir-e-manzar-e-fitrat ko thī manzar talāsh

    ek bhañvre ko ḳhizāñ meñ thī gul-e-tar talāsh

    ḳhud sanam-ḳhāna-e-āzar ko thī aazar talāsh

    muzhda ai dost ki vo jān-e-bahār aa pahuñchā!

    apne dāman meñ liye barq-o-sharār aa pahuñchā!

    apnā parcham vo kuchh is andāz se lahrātā hai

    rañg aġhyār ke chehroñ se uḌā jaatā hai

    koī shādāñ, koī hairāñ, koī sharmātā hai

    kaun ye sāhil-e-mashriq pe nazar aatā hai

    apne maiḳhāne ik mai-kash-e-behāl hai ye

    haañ vahī mard-e-javāñ-baḳht o javāñ-sāl hai ye

    mard-e-sarkash tujhe aadam kahānī qasam

    rūh-e-insāñ ke taqāzā-e-nihānī qasam

    jazba-e-aish har shorish-e-fānī qasam

    tujh ko apnī isī bad-mast javānī qasam

    aa ki ik baar gale se to lagā leñ tujh ko

    apne āġhosh-e-mohabbat meñ uThā leñ tujh ko

    nutq to ab bhī hai par shola-fishāñ hai ki nahīñ

    soz-e-pinhāñ se tirī ruuh tapāñ hai ki nahīñ

    tujh pe ye baar ġhulāmī girāñ hai ki nahīñ

    jism meñ ḳhuun javānī ravāñ hai ki nahīñ

    aur agar hai to phir aa tere parastār haiñ ham

    jins-e-āzādī-e-insāñ ke ḳharīdār haiñ ham

    saaqī o rind tire haiñ mai-e-gulfām tirī

    uTh ki āsūda hai phir hasrat-e-nākām tirī

    barhaman tere haiñ kul millat-e-islām tirī

    sub.h-e-kāshī tirī, sañgam hasīñ shaam tirī

    dekh shamshīr hai ye saaz hai ye jaam hai ye

    jo shamshīr uThā le to baḌā kaam hai ye

    dekh badlā nazar aatā hai gulistāñ samāñ

    sāġhar o saaz na le, jañg ke na.are haiñ yahāñ

    ye duā.eñ haiñ vo mazlūm aahoñ dhuāñ

    mā.il-e-jañg nazar aatā hai har mard-e-javāñ

    sarfaroshān-e-balā-kash sahārā ban

    uTh aur aflāk-e-baġhāvat sitārā ban

    phir KHabar garm hai wo jaan-e-watan aata hai

    phir wo zindani-e-zindan-e-watan aata hai

    wo KHarab-e-gul-o-raihan-e-watan aata hai

    misr se yusuf-e-kanan-e-watan aata hai

    koi mashuq ba-sad-shaukat-o-naz aata hai

    surKH bairaq hai samundar mein jahaz aata hai

    rind-e-be-kaif ko thi baada-o-saghar ki talash

    nazir-e-manzar-e-fitrat ko thi manzar ki talash

    ek bhanwre ko KHizan mein thi gul-e-tar ki talash

    KHud sanam-KHana-e-azar ko thi aazar ki talash

    muzhda ai dost ki wo jaan-e-bahaar aa pahuncha!

    apne daman mein liye barq-o-sharar aa pahuncha!

    apna parcham wo kuchh is andaz se lahraata hai

    rang aghyar ke chehron se uDa jata hai

    koi shadan, koi hairan, koi sharmata hai

    kaun ye sahil-e-mashriq pe nazar aata hai

    apne maiKHane ka ek mai-kash-e-behaal hai ye

    han wahi mard-e-jawan-baKHt o jawan-sal hai ye

    mard-e-sarkash tujhe aadam ki kahani ki qasam

    ruh-e-insan ke taqaza-e-nihani ki qasam

    jazba-e-aish ki har shorish-e-fani ki qasam

    tujh ko apni isi bad-mast jawani ki qasam

    aa ki ek bar gale se to laga len tujh ko

    apne aaghosh-e-mohabbat mein uTha len tujh ko

    nutq to ab bhi hai par shola-fishan hai ki nahin

    soz-e-pinhan se teri ruh tapan hai ki nahin

    tujh pe ye bar ghulami ka giran hai ki nahin

    jism mein KHun jawani ka rawan hai ki nahin

    aur agar hai to phir aa tere parastar hain hum

    jins-e-azadi-e-insan ke KHaridar hain hum

    saqi o rind tere hain mai-e-gulfam teri

    uTh ki aasuda hai phir hasrat-e-nakaam teri

    barhaman tere hain kul millat-e-islam teri

    subh-e-kashi tiri, sangam ki hasin sham teri

    dekh shamshir hai ye saz hai ye jam hai ye

    tu jo shamshir uTha le to baDa kaam hai ye

    dekh badla nazar aata hai gulistan ka saman

    saghar o saz na le, jang ke nare hain yahan

    ye duaen hain wo mazlum ki aahon ka dhuan

    mail-e-jang nazar aata hai har mard-e-jawan

    sarfaroshan-e-bala-kash ka sahaara ban ja

    uTh aur aflak-e-baghawat ka sitara ban ja

    Source :
    • Book : Aahang (Pg. 122)
    • Author : Asrar-ul-Haq Majaz
    • Publication : National Council for Promotion of Urdu Language, Delhi (2011)
    • Edition : 2011

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now