aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hind ke jaan-baz sipahi

Barq Dehlvi

hind ke jaan-baz sipahi

Barq Dehlvi

MORE BYBarq Dehlvi

    sar-ba-kaf hind ke jāñ-bāz-e-vatan laḌte haiñ

    teġh-e-nau le saf-e-dushman meñ ghuse paḌte haiñ

    ek khāte haiñ to do muñh pe vahīñ jaḌte haiñ

    hashr kar dete haiñ barpā ye jahāñ aḌte haiñ

    josh meñ aate haiñ dariyā ravānī tarah

    ḳhuun dushman bahā dete haiñ paanī tarah

    jab baḌhāte haiñ qadam pīchhe phir haTte nahīñ

    hausle un ke jo baḌhte haiñ to ghaTte nahīñ

    dam-e-paikār harīfoñ se ye kaTte nahīñ

    ulTe qadmoñ pe bilā fat.h palaTte nahīñ

    hech haiñ un ke liye āhanī dīvāreñ bhī

    rok saktī nahīñ faulād dīvāreñ bhī

    jazba-e-hubb-e-vatan dil meñ nihāñ rakhte haiñ

    misl-e-ḳhūñ josh ye rag rag meñ ravāñ rakhte haiñ

    sar hathelī pe to qabze meñ sināñ rakhte haiñ

    aañkh jhapkāne bhī taab kahāñ rakhte haiñ

    niklī paḌtī haiñ ḳhud myaan se teġheñ un

    DhūñDhtī apnā muqābil haiñ nigāheñ un

    khiñch ke dushman se gale teġh-e-ravāñ miltī hai

    dam dafnā karne ko ġhārat-gar-e-jāñ miltī hai

    ḳhuun bahtā hai dariyā ye jahāñ miltī hai

    maut god meñ dushman ko amaañ miltī hai

    teġh ke ghaaT utartā hai muqābil un

    ran meñ paanī bhī nahīñ māñgtā bismil un

    vaar bhūle se bhī paḌtā nahīñ ochhā un

    haath hotā hai zabāñ tarah sachchā un

    jis ne dekhā kabhī muñh dekhā na pīchhā un

    maut bhī māntī hai razm meñ lohā un

    ran meñ biphre hue sheroñ tarah laḌte haiñ

    saaf kar dete haiñ jis saf pe ye paḌte haiñ

    muñh pe talvār chaḌhte haiñ sipar sūrat

    teġh ke phal ko ye khāte haiñ samar sūrat

    hausle aur baḌhātī hai ḳhatar sūrat

    maut meñ bhī nazar aatī hai zafar sūrat

    chhalnī ho jaatā hai zaḳhmoñ se agar tan un

    teġh ke saaya meñ ban jaatā hai madfan un

    razm ko bazm samajhte haiñ ye mardā-r-vatan

    shāhid-e-marg hai un ke liye chauthī dulhan

    ye vo sar-bāz haiñ rakhte haiñ baham teġh o kafan

    haath dikhlāte haiñ jab paḌtā hai ghamsān ran

    un shamshīr-e-do-paikar pe zafar sadqe hai

    un bartāniya ke naam pe sar sadqe hai

    sar-ba-kaf hind ke jaan-baz-e-watan laDte hain

    tegh-e-nau le saf-e-dushman mein ghuse paDte hain

    ek khate hain to do munh pe wahin jaDte hain

    hashr kar dete hain barpa ye jahan aDte hain

    josh mein aate hain dariya ki rawani ki tarah

    KHun dushman ka baha dete hain pani ki tarah

    jab baDhate hain qadam pichhe phir haTte hi nahin

    hausle un ke jo baDhte hain to ghaTte hi nahin

    dam-e-paikar harifon se ye kaTte hi nahin

    ulTe qadmon pe bila fath palaTte hi nahin

    hech hain un ke liye aahani diwaren bhi

    rok sakti nahin faulad ki diwaren bhi

    jazba-e-hubb-e-watan dil mein nihan rakhte hain

    misl-e-KHun josh ye rag rag mein rawan rakhte hain

    sar hatheli pe to qabze mein sinan rakhte hain

    aankh jhapkane ki bhi tab kahan rakhte hain

    nikli hi paDti hain KHud myan se teghen un ki

    DhunDhti apna muqabil hain nigahen un ki

    khinch ke dushman se gale tegh-e-rawan milti hai

    dam dafna karne ko ghaarat-gar-e-jaan milti hai

    KHun ka bahta hai dariya ye jahan milti hai

    maut ki god mein dushman ko aman milti hai

    tegh ke ghaT utarta hai muqabil un ka

    ran mein pani bhi nahin mangta bismil un ka

    war bhule se bhi paDta nahin ochha un ka

    hath hota hai zaban ki tarah sachcha un ka

    jis ne dekha kabhi munh dekha na pichha un ka

    maut bhi manti hai razm mein loha un ka

    ran mein biphre hue sheron ki tarah laDte hain

    saf kar dete hain jis saf pe ye ja paDte hain

    munh pe talwar ki chaDhte hain sipar ki surat

    tegh ke phal ko ye khate hain samar ki surat

    hausle aur baDhati hai KHatar ki surat

    maut mein bhi nazar aati hai zafar ki surat

    chhalni ho jata hai zaKHmon se agar tan un ka

    tegh ke saya mein ban jata hai madfan un ka

    razm ko bazm samajhte hain ye marda-r-watan

    shahid-e-marg hai un ke liye chauthi ki dulhan

    ye wo sar-baz hain rakhte hain baham tegh o kafan

    hath dikhlate hain jab paDta hai ghamsan ka ran

    un ki shamshir-e-do-paikar pe zafar sadqe hai

    un ka bartaniya ke nam pe sar sadqe hai

    Source:

    Hamari Qaumi Shaeri (Pg. 546)

    • Author: Ali Jawad Zaidi
      • Edition: 1998
      • Publisher: Uttar Pradesh Urdu Acadmi (Lucknow)
      • Year of Publication: 1998
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now