eid

merī hamdam

gungunātī muskurātī

ek vo bhī eid thī

dil meñ terī diid kā armāñ liye

tujh se milne eid kitne shauq se

terī bastī DhūñD kar pahuñchā thā maiñ

mujh ko ab tak yaad hai vo chāñd raat

jab kiyā thā tū ne merā intizār

merī hamdam

ek ye bhī eid hai

suunā suunā saarā shahr

karb-e-tanhā.ī kā zahr

dil kī ik ik rag meñ hai phailā huā

tujh se milne kī koī jaldī nahīñ

tujh ko bhī shāyad nahīñ hai intizār

khankhanātī chūḌiyāñ maiñ ne tujhe bhejī nahīñ

pyaar kī ḳhushbū meñ lipTā

terā jī rūmāl tak pahuñchā nahīñ

meri hamdam

gungunati muskuraati

ek wo bhi eid thi

dil mein teri did ka arman liye

tujh se milne eid kitne shauq se

teri basti DhunD kar pahuncha tha main

mujh ko ab tak yaad hai wo chand raat

jab kiya tha tu ne mera intizar

meri hamdam

ek ye bhi eid hai

suna suna sara shahr

karb-e-tanhai ka zahr

dil ki ek ek rag mein hai phaila hua

tujh se milne ki koi jaldi nahin

tujh ko bhi shayad nahin hai intizar

khankhanati chuDiyan main ne tujhe bheji nahin

pyar ki KHushbu mein lipTa

tera ji rumal tak pahuncha nahin