id ka manzar

hilāl-e-īd banā hai kalīdī-e-aish-o-nashāt

jahāñ meñ bichh ga.ī phir se masarratoñ kī bisāt

ḳhushī se phūle samāte nahīñ haiñ mard-o-zan

mahak uThe dar-o-dīvār aur sehn-e-chaman

galī meñ kūchoñ meñ rāhoñ meñ shāh-rāhoñ meñ

masarratoñ ke nazāre haiñ ḳhānqāhoñ meñ

añdhere muñh hī parinde bhī chahchahāne lage

qadam qadam pe lage mele shādyāne baje

hai kaif-o-mastī ke aalam meñ aaj pīr-o-javāñ

ibādatoñ kā nasha de gayā mah-e-ramazāñ

ḳhudā ke diin kā kis tarah ho bayān huzūr

ḳhudā har ik ko ḳhushī iid kī nasīb kare

hamārī nasl ko is diin se qarīb kare

hilal-e-id bana hai kalidi-e-aish-o-nashat

jahan mein bichh gai phir se masarraton ki bisat

KHushi se phule samate nahin hain mard-o-zan

mahak uThe dar-o-diwar aur sehn-e-chaman

gali mein kuchon mein rahon mein shah-rahon mein

masarraton ke nazare hain KHanqahon mein

andhere munh hi parinde bhi chahchahane lage

qadam qadam pe lage mele shadyane baje

hai kaif-o-masti ke aalam mein aaj pir-o-jawan

ibaadaton ka nasha de gaya mah-e-ramazan

KHuda ke din ka kis tarah ho bayan huzur

KHuda har ek ko KHushi id ki nasib kare

hamari nasl ko is din se qarib kare