id

lo iid aa.ī ai dil ba-sad shān-o-shaukat

ḳhushī har taraf har taraf hai masarrat

havā gā rahī hai ḳhushī ke tarāne

falak pe hai chhāyā huā abr-e-rahmat

koī dostoñ se gale mil rahā hai

koī kah rahā hai mubārak salāmat

vo ḳhud mujh se milne ko ghar mere aa.e

ināyat ināyat ināyat ināyat

hai din eid kā aaj thoḌī sī pī le

kareñ zāhid aaj aur kyā terī ḳhidmat

gale aao mil lo ki hai eid kā din

jhijakte ho kyoñ is meñ kyā hai qabāhat

rakhā nisf roza kabhī us se kuchh kam

rakhā roza lekin ba-qadr-e-zarūrat

haiñ farzī fasāne haiñ qisse ḳhayālī

na dozaḳh kahīñ hai kahīñ hai na jannat

unhīñ ko mubārak ho dozaḳh se Darnā

hue haiñ jo duniyā meñ māyūs-e-rahmat

ḳhatā par ḳhatā maiñ ne kī ye samajh kar

ḳhatāvār hoñge sazā-vār-e-rahmat

ye bedard duniyā masā.ib kā ghar hai

sukūñ se jo dam guzre samjho ġhanīmat

ḳhudāyā gunah mere had se sivā haiñ

jo tū baḳhsh de hai tirī shān-e-rahmat

lo id aai ai dil ba-sad shan-o-shaukat

KHushi har taraf har taraf hai masarrat

hawa ga rahi hai KHushi ke tarane

falak pe hai chhaya hua abr-e-rahmat

koi doston se gale mil raha hai

koi kah raha hai mubarak salamat

wo KHud mujh se milne ko ghar mere aae

inayat inayat inayat inayat

hai din eid ka aaj thoDi si pi le

karen zahid aaj aur kya teri KHidmat

gale aao mil lo ki hai eid ka din

jhijakte ho kyon is mein kya hai qabahat

rakha nisf roza kabhi us se kuchh kam

rakha roza lekin ba-qadr-e-zarurat

hain farzi fasane hain qisse KHayali

na dozaKH kahin hai kahin hai na jannat

unhin ko mubarak ho dozaKH se Darna

hue hain jo duniya mein mayus-e-rahmat

KHata par KHata main ne ki ye samajh kar

KHatawar honge saza-war-e-rahmat

ye bedard duniya masaib ka ghar hai

sukun se jo dam guzre samjho ghanimat

KHudaya gunah mere had se siwa hain

jo tu baKHsh de hai teri shan-e-rahmat