aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

biwi aur patlun

MORE BYGhaus Khah makhah Hyderabadi

    begam se kahā ham ne jo fursat hai aap ko

    patlūn meñ hamārī baTan ek Taañk do

    ġhusse se bolīñ aap ḳhud Taañk leñ janāb

    biivī jab mazāq uḌāte rahe haiñ aap

    biivī baġhair aadmī hote nahīñ puure

    maiñ na rahūñ to aap bhī rah jaa.eñ adhūre

    yuuñ to baTan Tañknā chhoTā kaam hai

    ye kaam bhī to lā.eq-e-sad-ehtirām hai

    mardāngī shaan na itnī baghāriye

    suuī meñ sirf dhāgā piro kar dikhā.e

    patlūn meñ jo aap baTan ḳhud lagā.eñge

    uñglī chubho ke suuī meñ ḳhuuñ meñ nahā.eñge

    socho baTan baġhair jo patlūn pahante

    patlūn phisaltī to kyā sab log na hañste

    patlūn meñ tumhārī baTan kaun Tāñktī

    duniyā meñ tum batāo jo aurat na hotī

    ham ne kahā ki apnī baḌā.ī na hāñkiye

    chhoTī hai ye baat na aage baḌhā.iye

    patlūn meñ bas ek baTan Tāñkne thā

    patlūn ko baTan meñ nahīñ Tāñkne thā

    ġhusse ko thuuk diije merī baat māniye

    khaa.ī meñ yuuñ bahas ḳhudārā na jhāñkiye

    gar is bahas ḳhātma honā zarūr hai

    jo baat sach hai aap ko sunñā zarūr hai

    aurat agar na hotī to jannat meñ rahte

    duniyā meñ aa ke is tarah dukh-dard na sahte

    shādī byaah hameñ ḳhatra bhī na hotā

    sirf ik baTan ko Tāñkne naḳhra bhī na hotā

    biivī us bahan ho ho kisī saas

    tum ho isī liye to pahante haiñ ham libās

    mardoñ ko agar duniyā meñ aurat na hotī

    patlūn pahanñe zarūrat na hotī

    begam se kaha hum ne jo fursat hai aap ko

    patlun mein hamari baTan ek Tank do

    ghusse se bolin aap hi KHud Tank len janab

    biwi ka jab mazaq uDate rahe hain aap

    biwi baghair aadmi hote nahin pure

    main na rahun to aap bhi rah jaen adhure

    yun to baTan ka Tankna chhoTa sa kaam hai

    ye kaam bhi to laeq-e-sad-ehtiram hai

    mardangi ki shan na itni baghaariye

    sui mein sirf dhaga piro kar dikhae

    patlun mein jo aap baTan KHud lagaenge

    ungli chubho ke sui mein KHun mein nahaenge

    socho baTan baghair jo patlun pahante

    patlun phisalti to kya sab log na hanste

    patlun mein tumhaari baTan kaun Tankti

    duniya mein tum batao jo aurat hi na hoti

    hum ne kaha ki apni baDai na hankiye

    chhoTi si hai ye baat na aage baDhaiye

    patlun mein bas ek baTan Tankne ka tha

    patlun ko baTan mein nahin Tankne ka tha

    ghusse ko thuk dije meri baat maniye

    khai mein yun bahas ki KHudara na jhankiye

    gar is bahas ka KHatma hona zarur hai

    jo baat sach hai aap ko sunna zarur hai

    aurat agar na hoti to jannat hi mein rahte

    duniya mein aa ke is tarah dukh-dard na sahte

    shadi byah ka hamein KHatra bhi na hota

    sirf ek baTan ko Tankne ka naKHra bhi na hota

    biwi ya us ki bahan ho ya ho kisi ki sas

    tum ho isi liye to pahante hain hum libas

    mardon ko agar duniya mein aurat hi na hoti

    patlun pahanne ki zarurat hi na hoti

    Source:

    Harf-e-Mukarrar (Pg. 126)

    • Author: Ghaus Khah makhah Hyderabadi
      • Publisher: Mohammad Fazlur Rahman
      • Year of Publication: 1998

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now