aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mazduron ka git

Asrarul Haq Majaz

mazduron ka git

Asrarul Haq Majaz

MORE BYAsrarul Haq Majaz

    mehnat se ye maanā chuur haiñ ham

    ārām se kosoñ duur haiñ ham

    par laḌne par majbūr haiñ ham

    mazdūr haiñ ham mazdūr haiñ ham

    go aafat o ġham ke maare haiñ

    ham ḳhaak nahīñ haiñ taare haiñ

    is jag ke rāj-dulāre haiñ

    mazdūr haiñ ham mazdūr haiñ ham

    banñe tamannā rakhte haiñ

    miTne kaleja rakhte haiñ

    sarkash haiñ sar ūñchā rakhte haiñ

    mazdūr haiñ ham mazdūr haiñ ham

    har chand ki haiñ adbār meñ ham

    kahte haiñ khule bāzār meñ ham

    haiñ sab se baḌe sansār meñ ham

    mazdūr meñ ham mazdūr haiñ ham

    jis samt baḌhā dete haiñ qadam

    jhuk jaate haiñ shāhoñ ke parcham

    sāvañt haiñ ham balvañt haiñ ham

    mazdūr haiñ ham mazdūr haiñ ham

    go jaan pe lākhoñ baar banī

    kar guzre magar jo meñ Thanī

    ham dil ke khare bātoñ ke dhanī

    mazdūr haiñ ham mazdūr haiñ ham

    ham kyā haiñ kabhī dikhlā deñge

    ham nazm-e-kuhan ko Dhā deñge

    ham arz-o-samā ko hilā deñge

    mazdūr haiñ ham mazdūr haiñ ham

    ham jism meñ tāqat rakhte haiñ

    sīnoñ meñ harārat rakhte haiñ

    ham azm-e-baġhāvat rakhte haiñ

    mazdūr haiñ ham mazdūr haiñ ham

    jis roz baġhāvat kar deñge

    duniyā meñ qayāmat kar deñge

    ḳhvāboñ ko haqīqat kar deñge

    mazdūr haiñ ham mazdūr haiñ ham

    ham qabza kareñge daftar par

    ham vaar kareñge qaisar par

    ham TuuT paḌeñge lashkar par

    mazdūr haiñ ham mazdūr haiñ ham

    mehnat se ye mana chur hain hum

    aaram se koson dur hain hum

    par laDne par majbur hain hum

    mazdur hain hum mazdur hain hum

    go aafat o gham ke mare hain

    hum KHak nahin hain tare hain

    is jag ke raj-dulare hain

    mazdur hain hum mazdur hain hum

    banne ki tamanna rakhte hain

    miTne ka kaleja rakhte hain

    sarkash hain sar uncha rakhte hain

    mazdur hain hum mazdur hain hum

    har chand ki hain adbar mein hum

    kahte hain khule bazar mein hum

    hain sab se baDe sansar mein hum

    mazdur mein hum mazdur hain hum

    jis samt baDha dete hain qadam

    jhuk jate hain shahon ke parcham

    sawant hain hum balwant hain hum

    mazdur hain hum mazdur hain hum

    go jaan pe lakhon bar bani

    kar guzre magar jo ji mein Thani

    hum dil ke khare baaton ke dhani

    mazdur hain hum mazdur hain hum

    hum kya hain kabhi dikhla denge

    hum nazm-e-kuhan ko Dha denge

    hum arz-o-sama ko hila denge

    mazdur hain hum mazdur hain hum

    hum jism mein taqat rakhte hain

    sinon mein hararat rakhte hain

    hum azm-e-baghawat rakhte hain

    mazdur hain hum mazdur hain hum

    jis roz baghawat kar denge

    duniya mein qayamat kar denge

    KHwabon ko haqiqat kar denge

    mazdur hain hum mazdur hain hum

    hum qabza karenge daftar par

    hum war karenge qaisar par

    hum TuT paDenge lashkar par

    mazdur hain hum mazdur hain hum

    Source:

    Kulliyaat-e-Majaz (Pg. 144)

    related content

    Nazm

    wa-yabqa-wajh-o-rabbik (hum dekhenge)

    hum dekhenge

    Faiz Ahmad Faiz

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now