aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

main ki ek bani-adam

Khalid Mubashshir

main ki ek bani-adam

Khalid Mubashshir

MORE BYKhalid Mubashshir

    maiñ ki ik banī-ādam

    ālam-e-anāsir

    ik ḳhamīr-e-tāza-dam

    ik hayāt mujh meñ hai

    kā.enāt mujh meñ hai

    merī saltanat hai sab

    mujh se hai jahāñ qaa.em

    maiñ huuñ gardish-e-paiham

    rau meñ hai lahū har dam

    kyā ḳhabar lahū kyā hai

    ek shorish-e-hastī

    ek dāḳhlī tūfāñ

    ek mahshar-e-daurāñ

    kyā ḳhabar lahū kyā hai

    gardisheñ sitāroñ

    gardish āsmānoñ

    gardisheñ zamīnoñ

    gardisheñ zamānoñ

    kyā ḳhabar lahū kyā hai

    ye nizām-e-kul jaarī

    ya.anī harkateñ saarī

    sab lahū harakat hai

    hai lahū ke dam se

    amn bhii, mohabbat bhī

    jañg bhii, adāvat bhī

    shorish o baġhāvat bhī

    kyā ḳhabar lahū kyā hai

    gardisheñ lahū jab

    mujh meñ shor kartī haiñ

    be-ḳhudī ke nashshe meñ

    jism har ik ḳhaliya

    raqs karne lagtā hai

    aur phir ye hotā hai

    ḳhushkiyoñ har zarra

    pāniyoñ har qatra

    ek be-badan jazba

    raqs karne lagtā hai

    is jinnoñ ke aalam meñ

    zaḳhm jaag jaate haiñ

    dard chīḳh uThtā hai

    aur phir ye hotā hai

    rūh-o-dil vaadī meñ

    naġhme guuñj uThte haiñ

    naġhma-hā-e-sehr-añgez

    be-karāñ fazāoñ meñ

    lā-makāñ ḳhalāoñ meñ

    soz aur fuġhāñ ban kar

    mīThī lai meñ Dhal Dhal kar

    jab bikharne lagte haiñ

    aise sehr-ālam meñ

    ek kaif-o-mastī

    nashsha chhāne lagtā hai

    aur phir ye hotā hai

    kā.enāt har shai

    gungunāne lagtī hai

    aur phir vahī naġhme

    rūh-o-dil ke chhāloñ ko

    taar, taar zaḳhmoñ ko

    nīm-jāñ karāhoñ ko

    lāla-zār dāġhoñ ko

    jāgte phaphūloñ ko

    mast loriyāñ de kar

    ḳhvāb ke gulistāñ meñ

    lāpata zamāne tak

    yuuñ chhoḌ dete haiñ

    asl meñ vahī naġhme

    dard mudāvā haiñ!!

    main ki ek bani-adam

    aalam-e-anasir ka

    ek KHamir-e-taza-dam

    ek hayat mujh mein hai

    kaenat mujh mein hai

    meri saltanat hai sab

    mujh se hai jahan qaem

    main hun gardish-e-paiham

    rau mein hai lahu har dam

    kya KHabar lahu kya hai

    ek shorish-e-hasti

    ek daKHli tufan

    ek mahshar-e-dauran

    kya KHabar lahu kya hai

    gardishen sitaron ki

    gardish aasmanon ki

    gardishen zaminon ki

    gardishen zamanon ki

    kya KHabar lahu kya hai

    ye nizam-e-kul jari

    yani harkaten sari

    sab lahu ki harakat hai

    hai lahu ke dam se hi

    amn bhi, mohabbat bhi

    jang bhi, adawat bhi

    shorish o baghawat bhi

    kya KHabar lahu kya hai

    gardishen lahu ki jab

    mujh mein shor karti hain

    be-KHudi ke nashshe mein

    jism ka har ek KHaliya

    raqs karne lagta hai

    aur phir ye hota hai

    KHushkiyon ka har zarra

    paniyon ka har qatra

    ek be-badan jazba

    raqs karne lagta hai

    is jinnon ke aalam mein

    zaKHm jag jate hain

    dard chiKH uThta hai

    aur phir ye hota hai

    ruh-o-dil ki wadi mein

    naghme gunj uThte hain

    naghma-ha-e-sehr-angez

    be-karan fazaon mein

    la-makan KHalaon mein

    soz aur fughan ban kar

    miThi lai mein Dhal Dhal kar

    jab bikharne lagte hain

    aise sehr-alam mein

    ek kaif-o-masti ka

    nashsha chhane lagta hai

    aur phir ye hota hai

    kaenat ki har shai

    gungunane lagti hai

    aur phir wahi naghme

    ruh-o-dil ke chhaalon ko

    tar, tar zaKHmon ko

    nim-jaan karahon ko

    lala-zar daghon ko

    jagte phaphulon ko

    mast loriyan de kar

    KHwab ke gulistan mein

    lapata zamane tak

    yun hi chhoD dete hain

    asl mein wahi naghme

    dard ka mudawa hain!!

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now