yas

barbat-e-dil ke taar TuuT ga.e

haiñ zamīñ-bos rāhatoñ ke mahal

miT ga.e qissa-hā-e-fikr-o-amal!

bazm-e-hastī ke jaam phuuT ga.e

chhin gayā kaif-e-kausar-o-tasnīm

zahmat-e-girya-o-bukā be-sūd

shikva-e-baḳht-e-nā-rasā be-sūd

ho chukā ḳhatm rahmatoñ kā nuzūl

band hai muddatoñ se bāb-e-qubūl

be-niyāz-e-duā hai rabb-e-karīm

bujh ga.ī sham-e-ārzū-e-jamīl

yaad baaqī hai be-kasī kī dalīl

intazā-e-fuzūl rahne de

rāz-e-ulfat nibāhane vaale

bār-e-ġham se karāhne vaale

kāvish-e-be-husūl rahne de

barbat-e-dil ke tar TuT gae

hain zamin-bos rahaton ke mahal

miT gae qissa-ha-e-fikr-o-amal!

bazm-e-hasti ke jam phuT gae

chhin gaya kaif-e-kausar-o-tasnim

zahmat-e-girya-o-buka be-sud

shikwa-e-baKHt-e-na-rasa be-sud

ho chuka KHatm rahmaton ka nuzul

band hai muddaton se bab-e-qubul

be-niyaz-e-dua hai rabb-e-karim

bujh gai sham-e-arzu-e-jamil

yaad baqi hai be-kasi ki dalil

intaza-e-fuzul rahne de

raaz-e-ulfat nibahane wale

bar-e-gham se karahne wale

kawish-e-be-husul rahne de