aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

apni marhuma man ke liye chand lafz

Qamar Raza Shahzad

apni marhuma man ke liye chand lafz

Qamar Raza Shahzad

MORE BYQamar Raza Shahzad

    mirī ammī

    mujhe schōl jaane ke liye tayyār kartī thī

    mire juute

    mirā basta

    mirī vardī

    sabhī kuchh us almārī meñ rakkhā thā

    mire baste meñ rakkhā lunch

    biscuit

    toffiyāñ

    aur toast

    jab yūñhī binā khaa.e kabhī ghar lauTtā to ek ġhusse se bharī āvāz aur phir chand lamhoñ ke liye

    vo ruuTh jaatī thī

    magar jab vo mirī āñkhoñ meñ aañsū dekhtī to maan jaatī thī

    maiñ Dartā thā

    kabhī bāzār meñ jaatā to unglī thaam rakhtā thā

    mujhe lagtā agar mujh se ye unglī chhūT jā.egī

    to maiñ kho jā.uñgā

    khone Dar chālīs sāloñ tak mire dil meñ rahā

    aur maiñ ne ik lamha bhī vo unglī nahīñ chhoḌī

    magar ik roz jab us ne mire mazbūt hāthoñ

    meñ

    ye duniyā chhoḌ

    merī bhī uñglī kaT ga.ī

    ye zindagī jo ek dil meñ mujtam.a thī saiñkaḌoñ TukḌoñ ke andar baT ga.ī

    meri ammi

    mujhe school jaane ke liye tayyar karti thi

    mere jute

    mera basta

    meri wardi

    sabhi kuchh us ki almari mein rakkha tha

    mere baste mein rakkha lunch

    biscuit

    toffiyan

    aur toast

    jab yunhi bina khae kabhi ghar lauTta to ek ghusse se bhari aawaz aur phir chand lamhon ke liye

    wo ruTh jati thi

    magar jab wo meri aankhon mein aansu dekhti to man jati thi

    main Darta tha

    kabhi bazar mein jata to ungli tham rakhta tha

    mujhe lagta agar mujh se ye ungli chhuT jaegi

    to main kho jaunga

    khone ka Dar chaalis salon tak mere dil mein raha

    aur main ne ek lamha bhi wo ungli nahin chhoDi

    magar ek roz jab us ne mere mazbut hathon

    mein

    ye duniya chhoD di

    meri bhi ungli kaT gai

    ye zindagi jo ek dil mein mujtama thi sainkaDon TukDon ke andar baT gai

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now