mothers day par

ism-e-āzam

bahut achchhā huā thā maañ ne mirī

sikhlā diye the ism saare

mujh ko bachpan meñ

tamām āyāt-e-qur.ānī vazīfe aur munājāteñ

ki jin ke vird se saarī balā.eñ duur rahtī haiñ

hisār un kā har aafat aur musībat se bachātā hai

unhī ke hifz se hotī rahī mushkil-kushā.ī aur masīhā.ī

magar jab vajūd us kā

mujassam ajnabī ban kar

gurezāñ ho gayā mujh se

azaab jāñkanī ban kar

ḳhayāl aayā ki shāyad bas

vahī ik ism-e-āzam maañ mujhe sikhlā nahīñ paa.ī

jise paḌhne se us kī sard-mehrī sard paḌ jaa.e

jo us ke dil kā zañgī qufl khole aur vo mujh ko

faqat ik baar izn-e-bāryābī de

āzāb-e-nārasā.ī ḳhatm kar de aur

naved-e-shādmānī de

ism-e-azam

bahut achchha hua tha man ne meri

sikhla diye the ism sare

mujh ko bachpan mein

tamam aayat-e-qurani wazife aur munajaten

ki jin ke wird se sari balaen dur rahti hain

hisar un ka har aafat aur musibat se bachata hai

unhi ke hifz se hoti rahi mushkil-kushai aur masihai

magar jab wajud us ka

mujassam ajnabi ban kar

gurezan ho gaya mujh se

azab jaankani ban kar

KHayal aaya ki shayad bas

wahi ek ism-e-azam man mujhe sikhla nahin pai

jise paDhne se us ki sard-mehri sard paD jae

jo us ke dil ka zangi qufl khole aur wo mujh ko

faqat ek bar izn-e-baryabi de

aazab-e-narasai KHatm kar de aur

nawed-e-shadmani de