sar-e-wadi-e-sina

phir barq farozāñ hai sar-e-vādī-e-sīnā

phir rañg pe hai sho.ala-e-ruḳhsār-e-haqīqat

paiġhām-e-ajal dāvat-e-dīdār-e-haqīqat

ai dīda-e-bīnā

ab vaqt hai dīdār kā dam hai ki nahīñ hai

ab qāti-e-jāñ chāra-gar-e-kulfat-e-ġham hai

gulzār-e-iram partav-e-sahrā-e-adam hai

pindār-e-junūñ

hausla-e-rāh-e-adam hai ki nahīñ hai

phir barq farozāñ hai sar-e-vādī-e-sīnā, ai dīda-e-bīnā

phir dil ko musaffā karo, is lauh pe shāyad

mābain-e-man-o-tū nayā paimāñ koī utre

ab rasm-e-sitam hikmat-e-ḳhāsān-e-zamīñ hai

tā.īd-e-sitam maslahat-e-muftī-e-dīñ hai

ab sadiyoñ ke iqrār-e-itā.at ko badalne

lāzim hai ki inkār kā farmāñ koī utre

phir barq farozan hai sar-e-wadi-e-sina

phir rang pe hai shoala-e-ruKHsar-e-haqiqat

paigham-e-ajal dawat-e-didar-e-haqiqat

ai dida-e-bina

ab waqt hai didar ka dam hai ki nahin hai

ab qati-e-jaan chaara-gar-e-kulfat-e-gham hai

gulzar-e-iram partaw-e-sahra-e-adam hai

pindar-e-junun

hausla-e-rah-e-adam hai ki nahin hai

phir barq farozan hai sar-e-wadi-e-sina, ai dida-e-bina

phir dil ko musaffa karo, is lauh pe shayad

mabain-e-man-o-tu naya paiman koi utre

ab rasm-e-sitam hikmat-e-KHasan-e-zamin hai

taid-e-sitam maslahat-e-mufti-e-din hai

ab sadiyon ke iqrar-e-itaat ko badalne

lazim hai ki inkar ka farman koi utre