mohammad muskuraate the

mohammad muskurāte the

hamesha muskurāte the

vo itne ḳhūbsūrat

saaf suthre

nikhre nikhre

pyāre pyāre the

ki jab bhī muskurāte the

to un ke motiyoñ se daañt

jhilmil jhilmilāte the

mohammad muskurāte the

hamesha muskurāte the

galī meñ khelte bachchoñ se

ḳhud jā kar milā karte

vo un se khelte the

god meñ lete

hañsāte the

vo un ko gudgudāte the

kamar par laad kar apnī

savārī bhī karāte the

mohammad muskurāte the

hamesha muskurāte the

vo kahte the

ki bachche phuul haiñ

jugnū haiñ ḳhushbū haiñ

kabhī na mārte un ko

vo narmī aur mohabbat se

sikhāte the

duā dete the aur

jo kuchh sikhāte the

vo ḳhud kar ke dikhāte the

mohammad muskurāte the

hamesha muskurāte the

vo jab bāhar se aate

uuñT par hote yā ghoḌe par

to apne rāste meñ

khelte bachchoñ ke

ḳhud hī paas jaate the

vo sab ko baarī baarī

apne ghoḌe par biThāte the

unheñ jhūlā dilāte the

mohammad muskurāte the

hamesha muskurāte the

vo jab bhī dekhte

bachchoñ ke

muñh aur haath maile haiñ

to un ko god maiñ le kar

vo un kā muñh dhulāte the

vo un ko chūmte the

aur paas apne biThāte the

mohammad muskurāte the

hamesha muskurāte the

vo masjid ho yā un kā ghar

koī khāne kī chiiz aatī

to bachchoñ se shurūa karte

unheñ vo sab se pahle de ke

auroñ ko khilāte the

mohammad muskurāte the

hamesha muskurāte the

mohammad kī tarah maiñ bhī

hamesha muskurā.ūñgā

maiñ jab jannat meñ un se

ḳhud milūñgā ye batā.ūñgā

mujhe un se mohabbat hai

maiñ un se pyaar kartā huuñ

ki jab maiñ chhoTā bachcha thā

to un ko sochtā thā

yaad kartā muskurātā thā

ki tab har raat ko

sone se kuchh pahle

mujhe abbū batāte the

mohammad muskurāte the

hamesha muskurāte the

mohammad muskuraate the

hamesha muskuraate the

wo itne KHubsurat

saf suthre

nikhre nikhre

pyare pyare the

ki jab bhi muskuraate the

to un ke motiyon se dant

jhilmil jhilmilate the

mohammad muskuraate the

hamesha muskuraate the

gali mein khelte bachchon se

KHud ja kar mila karte

wo un se khelte the

god mein lete

hansate the

wo un ko gudgudate the

kamar par lad kar apni

sawari bhi karaate the

mohammad muskuraate the

hamesha muskuraate the

wo kahte the

ki bachche phul hain

jugnu hain KHushbu hain

kabhi na marte un ko

wo narmi aur mohabbat se

sikhate the

dua dete the aur

jo kuchh sikhate the

wo KHud kar ke dikhate the

mohammad muskuraate the

hamesha muskuraate the

wo jab bahar se aate

unT par hote ya ghoDe par

to apne raste mein

khelte bachchon ke

KHud hi pas jate the

wo sab ko bari bari

apne ghoDe par biThate the

unhen jhula dilate the

mohammad muskuraate the

hamesha muskuraate the

wo jab bhi dekhte

bachchon ke

munh aur hath maile hain

to un ko god main le kar

wo un ka munh dhulate the

wo un ko chumte the

aur pas apne biThate the

mohammad muskuraate the

hamesha muskuraate the

wo masjid ho ya un ka ghar

koi khane ki chiz aati

to bachchon se shurua karte

unhen wo sab se pahle de ke

auron ko khilate the

mohammad muskuraate the

hamesha muskuraate the

mohammad ki tarah main bhi

hamesha muskuraunga

main jab jannat mein un se

KHud milunga ye bataunga

mujhe un se mohabbat hai

main un se pyar karta hun

ki jab main chhoTa bachcha tha

to un ko sochta tha

yaad karta muskuraata tha

ki tab har raat ko

sone se kuchh pahle

mujhe abbu batate the

mohammad muskuraate the

hamesha muskuraate the