aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aazadi

MORE BYFiraq Gorakhpuri

    mirī sadā hai gul-e-sham-e-shām-e-āzādī

    sunā rahā huuñ diloñ ko payām āzādī

    lahū vatan ke shahīdoñ rañg laayā hai

    uchhal rahā hai zamāne meñ nām-e-āzādī

    mujhe baqā zarūrat nahīñ ki faanī huuñ

    mirī fanā se hai paidā davām-e-āzādī

    jo raaj karte haiñ jamhūriyat ke parde meñ

    unheñ bhī hai sar-o-saudā-e-ḳhām-e-āzādī

    banā.eñge na.ī duniyā kisān aur mazdūr

    yahī sajā.eñge dīvān-e-ām-e-āzādī

    fazā meñ jalte diloñ se dhuāñ uThtā hai

    are ye sub.h-e-ġhulāmī ye shām-e-āzādī

    ye mahr-o-māh ye taare ye baam haft-aflāk

    bahut buland hai in se maqām-e-āzādī

    fazā-e-shām-e-sahar meñ shafaq jhalaktī hai

    ki jaam meñ hai mai-e-lāla-fām-e-āzādī

    syāh-ḳhāna-e-duniyā zulmateñ haiñ do-rañg

    nihāñ hai sub.h-e-asīrī meñ shām-e-āzādī

    sukūñ naam na le hai vo qaid-e-be-mī.ād

    hai pai-ba-pai harakat meñ qayām-e-āzādī

    ye kārvān haiñ pasmāñdgān-e-manzil ke

    ki rahravoñ meñ yahī haiñ imām-e-āzādī

    diloñ meñ ahl-e-zamīñ ke hai niiv us magar

    qusūr-e-ḳhuld se ūñchā hai bām-e-āzādī

    vahāñ bhī ḳhāk-nashīnoñ ne jhanDe gaaḌ diye

    milā na ahl-e-duval ko maqām-e-āzādī

    hamāre zor se zanjīr-e-tīrgī TuuTī

    hamārā soz hai māh-e-tamām-e-āzādī

    tarannum-e-saharī de rahā hai jo chhup kar

    harīf-e-sub.h-e-vatan hai ye shām-e-āzādī

    hamāre siine meñ sho.ale bhaḌak rahe haiñ 'firāq'

    hamārī saañs se raushan hai nām-e-āzādī

    meri sada hai gul-e-sham-e-sham-e-azadi

    suna raha hun dilon ko payam aazadi

    lahu watan ke shahidon ka rang laya hai

    uchhal raha hai zamane mein nam-e-azadi

    mujhe baqa ki zarurat nahin ki fani hun

    meri fana se hai paida dawam-e-azadi

    jo raj karte hain jamhuriyat ke parde mein

    unhen bhi hai sar-o-sauda-e-KHam-e-azadi

    banaenge nai duniya kisan aur mazdur

    yahi sajaenge diwan-e-am-e-azadi

    faza mein jalte dilon se dhuan sa uThta hai

    are ye subh-e-ghulami ye sham-e-azadi

    ye mahr-o-mah ye tare ye baam haft-aflak

    bahut buland hai in se maqam-e-azadi

    faza-e-sham-e-sahar mein shafaq jhalakti hai

    ki jam mein hai mai-e-lala-fam-e-azadi

    syah-KHana-e-duniya ki zulmaten hain do-rang

    nihan hai subh-e-asiri mein sham-e-azadi

    sukun ka nam na le hai wo qaid-e-be-miad

    hai pai-ba-pai harakat mein qayam-e-azadi

    ye karwan hain pasmandgan-e-manzil ke

    ki rahrawon mein yahi hain imam-e-azadi

    dilon mein ahl-e-zamin ke hai niw us ki magar

    qusur-e-KHuld se uncha hai baam-e-azadi

    wahan bhi KHak-nashinon ne jhanDe gaD diye

    mila na ahl-e-duwal ko maqam-e-azadi

    hamare zor se zanjir-e-tirgi TuTi

    hamara soz hai mah-e-tamam-e-azadi

    tarannum-e-sahari de raha hai jo chhup kar

    harif-e-subh-e-watan hai ye sham-e-azadi

    hamare sine mein shoale bhaDak rahe hain 'firaq'

    hamari sans se raushan hai nam-e-azadi

    Source:

    Urdu Mein Qaumi Shairi Ke Sau Saal (Pg. 376)

    • Author: Ali Jawad Zaidi
      • Edition: 1982,Editon II 2010
      • Publisher: Uttar Pradesh Urdu Acadmi (Lucknow)
      • Year of Publication: 1982,Editon II 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now