aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

muhibban-e-watan ka nara

Anand Narayan Mulla

muhibban-e-watan ka nara

Anand Narayan Mulla

MORE BYAnand Narayan Mulla

    shahīd-e-jaur-e-gulchīñ haiñ asīr-e-ḳhasta-tan ham haiñ

    hamārā jurm itnā hai havā-ḳhvāh-e-chaman ham haiñ

    satāne ko satā le aaj zālim jitnā chāhe

    magar itnā kahe dete haiñ fardā-e-vatan ham haiñ

    hamāre lahū sabā le jā.egī kan.āñ

    milegā jis se yūsuf pata vo pairahan ham haiñ

    hameñ ye faḳhr hāsil hai payām-e-nūr laa.e haiñ

    zamīñ pahle-pahal chūmī hai jis ne vo kiran ham haiñ

    sulā legī hameñ ḳhāk-e-vatan āġhosh meñ apnī

    na fikr-e-gor hai ham ko na muhtāj-e-kafan ham haiñ

    banā leñge tire zindāñ ko bhī ham ġhairat-e-mahfil

    liye apnī nigāhoñ meñ jamāl-e-anjuman ham haiñ

    nahīñ tesha to sar Takrā ke jū-e-shīr lā.eñge

    bayābān-e-junūñ meñ jānashīn-e-kohkan ham haiñ

    zamāna kar rahā hai koshisheñ ham ko miTāne

    hilā paatā nahīñ jis ko vo buniyād-e-kuhan ham haiñ

    na daulat hai na sarvat hai na ohda hai na tāqat hai

    magar kuchh baat hai ham meñ ki jān-e-anjuman ham haiñ

    tire ḳhanjar se apne dil tāqat āzmānā hai

    mohabbat ek apnī hai tirā saarā zamāna hai

    fidā-e-mulk honā hāsil-e-qismat samajhte haiñ

    vatan par jaan dene ko ham jannat samajhte haiñ

    kuchh aise aa ga.e haiñ tañg ham kunj-e-asīrī se

    ki ab is se to behtar gosha-e-turbat samajhte haiñ

    hamāre shauq vāraftagī hai diid ke qābil

    pahuñchtī hai agar iizā use rāhat samajhte haiñ

    nigāh-e-qahr mushtāq haiñ dil tamannā.eñ

    ḳhat-e-chīn-e-jabīñ ko ḳhat-e-qismat samajhte haiñ

    vatan zarra zarra ham ko apnī jaañ se pyārā hai

    na ham maz.hab samajhte haiñ na ham millat samajhte haiñ

    hayāt-e-ārzī sadqe hayāt-e-jāvedānī par

    fanā honā ab ik ziist sūrat samajhte haiñ

    hameñ ma.alūm hai achchhī tarah tāb-e-jafā terī

    magar is se sivā apnī had-e-ulfat samajhte haiñ

    ġham-o-ġhussa dikhānā ik dalīl-e-nā-tavānī hai

    jo hañs kar choT khātī hai use tāqat samajhte haiñ

    ġhulāmī aur āzādī bas itnā jānte haiñ ham

    na ham dozaḳh samajhte haiñ na ham jannat samajhte haiñ

    dikhānā hai ki laḌte haiñ jahāñ meñ bā-vafā kyūñkar

    nikaltī hai zabāñ se zaḳhm khā kar marhabā kyūñkar

    shahid-e-jaur-e-gulchin hain asir-e-KHasta-tan hum hain

    hamara jurm itna hai hawa-KHwah-e-chaman hum hain

    satane ko sata le aaj zalim jitna ji chahe

    magar itna kahe dete hain farda-e-watan hum hain

    hamare hi lahu ki bu saba le jaegi kanan

    milega jis se yusuf ka pata wo pairahan hum hain

    hamein ye faKHr hasil hai payam-e-nur lae hain

    zamin pahle-pahal chumi hai jis ne wo kiran hum hain

    sula legi hamein KHak-e-watan aaghosh mein apni

    na fikr-e-gor hai hum ko na muhtaj-e-kafan hum hain

    bana lenge tere zindan ko bhi hum ghairat-e-mahfil

    liye apni nigahon mein jamal-e-anjuman hum hain

    nahin tesha to sar Takra ke ju-e-shir laenge

    bayaban-e-junun mein jaanashin-e-kohkan hum hain

    zamana kar raha hai koshishen hum ko miTane ki

    hila pata nahin jis ko wo buniyaad-e-kuhan hum hain

    na daulat hai na sarwat hai na ohda hai na taqat hai

    magar kuchh baat hai hum mein ki jaan-e-anjuman hum hain

    tere KHanjar se apne dil ki taqat aazmana hai

    mohabbat ek apni hai tera sara zamana hai

    fida-e-mulk hona hasil-e-qismat samajhte hain

    watan par jaan dene hi ko hum jannat samajhte hain

    kuchh aise aa gae hain tang hum kunj-e-asiri se

    ki ab is se to behtar gosha-e-turbat samajhte hain

    hamare shauq ki waraftagi hai did ke qabil

    pahunchti hai agar iza use rahat samajhte hain

    nigah-e-qahr ki mushtaq hain dil ki tamannaen

    KHat-e-chin-e-jabin hi ko KHat-e-qismat samajhte hain

    watan ka zarra zarra hum ko apni jaan se pyara hai

    na hum mazhab samajhte hain na hum millat samajhte hain

    hayat-e-arzi sadqe hayat-e-jawedani par

    fana hona hi ab ek zist ki surat samajhte hain

    hamein malum hai achchhi tarah tab-e-jafa teri

    magar is se siwa apni had-e-ulfat samajhte hain

    gham-o-ghussa dikhana ek dalil-e-na-tawani hai

    jo hans kar choT khati hai use taqat samajhte hain

    ghulami aur aazadi bas itna jaante hain hum

    na hum dozaKH samajhte hain na hum jannat samajhte hain

    dikhana hai ki laDte hain jahan mein ba-wafa kyunkar

    nikalti hai zaban se zaKHm kha kar marhaba kyunkar

    Source:

    Kulliyat-e-Anand Narayan Mulla (Pg. 76)

    • Author: Anand Narayan Mull
      • Edition: 2010
      • Publisher: Qaumi Council Baraye-farogh Urdu
      • Year of Publication: 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now