aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aurat ne janam diya mardon ko mardon ne use bazar diya

Sahir Ludhianvi

aurat ne janam diya mardon ko mardon ne use bazar diya

Sahir Ludhianvi

MORE BYSahir Ludhianvi

    aurat ne janam diyā mardoñ ko mardoñ ne use bāzār diyā

    jab chāhā maslā kuchlā jab chāhā dhutkār diyā

    tultī hai kahīñ dīnāroñ meñ biktī hai kahīñ bāzāroñ meñ

    nañgī nachvā.ī jaatī hai ayyāshoñ ke darbāroñ meñ

    ye vo be-izzat chiiz hai jo baT jaatī hai izzat-dāroñ meñ

    aurat ne janam diyā mardoñ ko mardoñ ne use bāzār diyā

    mardoñ ke liye har zulm ravā aurat ke liye ronā bhī ḳhatā

    mardoñ ke liye har aish haq aurat ke liye jiinā bhī sazā

    mardoñ ke liye lākhoñ sejeñ, aurat ke liye bas ek chitā

    aurat ne janam diyā mardoñ ko mardoñ ne use bāzār diyā

    jin sīnoñ ne in ko duudh diyā un sīnoñ ko bevpār kiyā

    jis kokh meñ in jism Dhalā us kokh kārobār kiyā

    jis tan se uge koñpal ban kar us tan ko zalīl-o-ḳhvār kiyā

    sansār har ik be-sharmī ġhurbat god meñ paltī hai

    chakloñ meñ aa kar ruktī hai fāqoñ se jo raah nikaltī hai

    mardoñ havas hai jo aksar aurat ke paap meñ Dhaltī hai

    aurat ne janam diyā mardoñ ko mardoñ ne use bāzār diyā

    aurat sansār qismat hai phir bhī taqdīr heTī hai

    autār payambar jannatī hai phir bhī shaitān beTī hai

    ye vo bad-qismat maañ hai jo beToñ sej pe leTī hai

    aurat ne janam diyā mardoñ ko mardoñ ne use bāzār diyā

    aurat ne janam diya mardon ko mardon ne use bazar diya

    jab ji chaha masla kuchla jab ji chaha dhutkar diya

    tulti hai kahin dinaron mein bikti hai kahin bazaron mein

    nangi nachwai jati hai ayyashon ke darbaron mein

    ye wo be-izzat chiz hai jo baT jati hai izzat-daron mein

    aurat ne janam diya mardon ko mardon ne use bazar diya

    mardon ke liye har zulm rawa aurat ke liye rona bhi KHata

    mardon ke liye har aish ka haq aurat ke liye jina bhi saza

    mardon ke liye lakhon sejen, aurat ke liye bas ek chita

    aurat ne janam diya mardon ko mardon ne use bazar diya

    jin sinon ne in ko dudh diya un sinon ko bewpar kiya

    jis kokh mein in ka jism Dhala us kokh ka karobar kiya

    jis tan se uge konpal ban kar us tan ko zalil-o-KHwar kiya

    sansar ki har ek be-sharmi ghurbat ki god mein palti hai

    chaklon hi mein aa kar rukti hai faqon se jo rah nikalti hai

    mardon ki hawas hai jo aksar aurat ke pap mein Dhalti hai

    aurat ne janam diya mardon ko mardon ne use bazar diya

    aurat sansar ki qismat hai phir bhi taqdir ki heTi hai

    autar payambar jannati hai phir bhi shaitan ki beTi hai

    ye wo bad-qismat man hai jo beTon ki sej pe leTi hai

    aurat ne janam diya mardon ko mardon ne use bazar diya

    Videos
    This video is playing from YouTube

    Videos
    This video is playing from YouTube

    Lata Mangeshkar

    Lata Mangeshkar

    Source:

    kulliyat-e-sahir (Pg. 475)

    • Author: sahir ludhianvi
      • Publisher: Farid Book Depot (Pvt.) Ltd.

    Source:

    kulliyat-e-sahir (Pg. 475)

    • Author: Sahir ludhyanvi
      • Publisher: Farid Book Depot (Pvt.) Ltd.

    Source:

    kulliyat-e-sahir (Pg. 475)

    • Author: Sahir ludhyanvi
      • Publisher: Farid Book Depot (Pvt.) Ltd.

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now