ek KHwab

ek hī ḳhvāb ka.ī baar yūñhī dekhā maiñ ne

tū ne saaḌī meñ uḌas lī haiñ mirī chābiyāñ ghar kī

aur chalī aa.ī hai bas yūñhī mirā haath pakaḌ kar

ghar kī har chiiz sambhāle hue apnā.e hue tū

tū mire paas mire ghar pe mire saath hai 'sonūñ'

mez par phuul sajāte hue dekhā hai ka.ī baar

aur bistar se ka.ī baar jagāyā bhī hai tujh ko

chalte-phirte tire qadmoñ kī vo aahaT bhī sunī hai

gungunātī huī niklī hai ġhusl-ḳhāne se jab bhī

apne bhīge hue bāloñ se Tapaktā huā paanī

mere chehre par chhiḌak detī hai tū 'sonūñ' kī bachchī

farsh par leT ga.ī hai tū kabhī ruuTh ke mujh se

aur kabhī farsh se mujh ko bhī uThāyā hai manā kar

taash ke pattoñ pe laḌtī hai kabhī khel meñ mujh se

aur kabhī laḌtī bhī aise hai ki bas khel rahī hai

aur āġhosh meñ nanhe ko

aur ma.alūm hai jab dekhā thā ye ḳhvāb tumhārā

apne bistar pe maiñ us vaqt paḌā jaag rahā thā

ek hi KHwab kai bar yunhi dekha main ne

tu ne saDi mein uDas li hain meri chabiyan ghar ki

aur chali aai hai bas yunhi mera hath pakaD kar

ghar ki har chiz sambhaale hue apnae hue tu

tu mere pas mere ghar pe mere sath hai 'sonun'

mez par phul sajate hue dekha hai kai bar

aur bistar se kai bar jagaya bhi hai tujh ko

chalte-phirte tere qadmon ki wo aahaT bhi suni hai

gungunati hui nikli hai ghusl-KHane se jab bhi

apne bhige hue baalon se Tapakta hua pani

mere chehre par chhiDak deti hai tu 'sonun' ki bachchi

farsh par leT gai hai tu kabhi ruTh ke mujh se

aur kabhi farsh se mujh ko bhi uThaya hai mana kar

tash ke patton pe laDti hai kabhi khel mein mujh se

aur kabhi laDti bhi aise hai ki bas khel rahi hai

aur aaghosh mein nanhe ko

aur malum hai jab dekha tha ye KHwab tumhaara

apne bistar pe main us waqt paDa jag raha tha