athena

koī devī

kisī āñgan meñ base yā na base mujh ko kyā

maiñ huuñ athens kī vīrān galī kī baasī

maiñ na mele meñ ga.ī huuñ

na maiñ jā.ūñgī kabhī

maiñ agar nūr-e-jabīñ dekh na paa.ī

to kyā

maiñ abhī jang ke ādāb se vāqif hī nahīñ

mujh ko dānish kī ḳhabar hai na hunar hai koī

vo sarāpā hunar-o-dānish hai

jang-jū hai

us ke nau bhaa.ī haiñ aur nau bahneñ

mere maañ baap bhī mā'lūm nahīñ

us kī 'ismat ke muhāfiz

devtā haiñ

aur mirā jism to nīlām-gah-e-duniyā hai

maiñ to athens kī vīrān galī kī baasī

bārisīnūn nahīñ jā saktī

koī mā'bad

koī mela

koī zaitūn kā saaya

nahīñ hai mere liye

koi dewi

kisi aangan mein base ya na base mujh ko kya

main hun athens ki viran gali ki basi

main na mele mein gai hun

na main jaungi kabhi

main agar nur-e-jabin dekh na pai

to kya

main abhi jang ke aadab se waqif hi nahin

mujh ko danish ki KHabar hai na hunar hai koi

wo sarapa hunar-o-danish hai

jang-ju hai

us ke nau bhai hain aur nau bahnen

mere man bap bhi ma'lum nahin

us ki 'ismat ke muhafiz

dewta hain

aur mera jism to nilam-gah-e-duniya hai

main to athens ki viran gali ki basi

barisinun nahin ja sakti

koi ma'bad

koi mela

koi zaitun ka saya

nahin hai mere liye