husn ik dariyā hai sahrā bhī haiñ us kī raah meñ

kal kahāñ hogā ye dariyā ye bhī to socho zarā

husn ek dariya hai sahra bhi hain us ki rah mein

kal kahan hoga ye dariya ye bhi to socho zara

khaḌā huā huuñ sar-e-rāh muntazir kab se

ki koī guzre to ġham kā ye bojh uThvā de

khaDa hua hun sar-e-rah muntazir kab se

ki koi guzre to gham ka ye bojh uThwa de

maiñ bhī is safha-e-hastī pe ubhar saktā huuñ

rañg to tum mirī tasvīr meñ bhar kar dekho

main bhi is safha-e-hasti pe ubhar sakta hun

rang to tum meri taswir mein bhar kar dekho

mire ḳhulūs pe shak kī to koī vaj.h nahīñ

mire libās meñ ḳhanjar agar chhupā niklā

mere KHulus pe shak ki to koi wajh nahin

mere libas mein KHanjar agar chhupa nikla

mire ḳhvāboñ kī chiknī sīḌhiyoñ par

na jaane kis kā but TuuTā paḌā hai

mere KHwabon ki chikni siDhiyon par

na jaane kis ka but TuTa paDa hai