apne dāman kī kuchh ḳhabar hai 'majīd'

soch kar ḳhud ko pārsā kahiye

apne daman ki kuchh KHabar hai 'majid'

soch kar KHud ko parsa kahiye

bevafā kahiye bā-vafā kahiye

dil meñ aa.e jo barmalā kahiye

bewafa kahiye ba-wafa kahiye

dil mein aae jo barmala kahiye

kaif-o-mastī surūr kyā ma.anī

zindagī meñ bhī ab ḳhushī kam hai

kaif-o-masti surur kya mani

zindagi mein bhi ab KHushi kam hai

na jaane kis kī yaad ne lī dil meñ gudgudī

aa.ina dekh dekh ke sharmā rahe haiñ ham

na jaane kis ki yaad ne li dil mein gudgudi

aaina dekh dekh ke sharma rahe hain hum

zindagī chhoTī hai sāmān bahut

aur dil ke bhī haiñ armān bahut

zindagi chhoTi hai saman bahut

aur dil ke bhi hain arman bahut