namāz apnī agarche kabhī qazā na huī

adā kisī kī jo dekhī to phir adā na huī

namaz apni agarche kabhi qaza na hui

ada kisi ki jo dekhi to phir ada na hui

gale se lagte hī jitne gile the bhuul ga.e

vagarna yaad thiiñ ham ko shikāyateñ kyā kyā

gale se lagte hi jitne gile the bhul gae

wagarna yaad thin hum ko shikayaten kya kya

dil-rubā tujh sā jo dil lene meñ ayyārī kare

phir koī dillī meñ kyā dil kī ḳhabardārī kare

dil-ruba tujh sa jo dil lene mein ayyari kare

phir koi dilli mein kya dil ki KHabardari kare

aag is dil-lagī ko lag jaa.e

dil-lagī aag phir lagāne lagī

aag is dil-lagi ko lag jae

dil-lagi aag phir lagane lagi

tanḳhvāh ek bosa hai tis par ye hujjateñ

hai nā-dahind aap kī sarkār be-tarah

tanKHwah ek bosa hai tis par ye hujjaten

hai na-dahind aap ki sarkar be-tarah