Abrar Ahmad
Ghazal 23
Nazm 26
Sher-o-Shayari 21
go farāmoshī kī takmīl huā chāhtī hai
phir bhī kah do ki hameñ yaad vo aayā na kare
go faramoshi ki takmil hua chahti hai
phir bhi kah do ki hamein yaad wo aaya na kare
jis kaam meñ ham ne haath Daalā
vo kaam muhāl ho gayā hai
jis kaam mein hum ne hath Dala
wo kaam muhaal ho gaya hai
kahīñ koī charāġh jaltā hai
kuchh na kuchh raushnī rahegī abhī
kahin koi charagh jalta hai
kuchh na kuchh raushni rahegi abhi
maiñ Thahartā gayā rafta rafta
aur ye dil apnī ravānī meñ rahā
main Thaharta gaya rafta rafta
aur ye dil apni rawani mein raha
markaz-e-jāñ to vahī tū hai magar tere sivā
log haiñ aur bhī is yaad purānī meñ kahīñ
markaz-e-jaan to wahi tu hai magar tere siwa
log hain aur bhi is yaad purani mein kahin
