hosh-mandii se jahaa.n baat na bantii ho 'sahar'
kaam aise me.n bahut be-KHabarii aatii hai
ab tak ilaaj-e-ranjish-e-be-jaa na kar sake
ik umr me.n bhii husn ko apnaa na kar sake
thii ek rasm-e-ishq so ham ne bhii kii adaa
duniyaa me.n ko.ii kaam anokhaa na kar sake
kal raat dil ke saath bujhe is tarah charaaG
yaado.n ke silsile bhii ujaalaa na kar sake
ab is se kyaa Garaz hai ki anjaam kyaa hu.aa
ye to nahii.n ki terii tamannaa na kar sake
KHud ishq hii ko de ga.e rusvaa.iyo.n ke daaG
vo raaz-e-husn ham jinhe.n ifshaa na kar sake
zauq-e-junuu.n ko raas nahii.n ta.ng bastiyaa.n
sahraa na ho to kyaa ko.ii diivaana kar sake
har imtiyaaz us ke liye hech hai 'sahar'
jo apnii zindagii ko tamaashaa na kar sake
hame.n tanhaa.iyo.n me.n yuu.n to kyaa kyaa yaad aataa hai
magar sach puuchhiye to ek chehraa yaad aataa hai
You have exhausted 5 free content pages per year. Register and enjoy UNLIMITED access to the whole universe of Urdu Poetry, Rare Books, Language Learning, Sufi Mysticism, and more.
