azāb-e-barq-o-bārāñ thā añdherī raat thī

ravāñ thiiñ kashtiyāñ kis shaan se is jhiil meñ

azab-e-barq-o-baran tha andheri raat thi

rawan thin kashtiyan kis shan se is jhil mein

kab bhaTak jaa.e 'āftāb' husain

aadmī kā koī bharosa nahīñ

kab bhaTak jae 'aftab' husain

aadmi ka koi bharosa nahin

kuchh rabt-e-ḳhās asl kā zāhir ke saath hai

ḳhushbū uḌe to uḌtā hai phūloñ kā rañg bhī

kuchh rabt-e-KHas asl ka zahir ke sath hai

KHushbu uDe to uDta hai phulon ka rang bhi

vaqt kī vahshī havā kyā kyā uḌā kar le ga.ī

ye bhī kyā kam hai ki kuchh us kī kamī maujūd hai

waqt ki wahshi hawa kya kya uDa kar le gai

ye bhi kya kam hai ki kuchh us ki kami maujud hai

ye dil kī raah chamaktī thī aa.ine kī tarah

guzar gayā vo use bhī ġhubār karte hue

ye dil ki rah chamakti thi aaine ki tarah

guzar gaya wo use bhi ghubar karte hue