vaqt kī kokh meñ sulagtā sā

merī hastī kā ġham pahelī hai

waqt ki kokh mein sulagta sa

meri hasti ka gham paheli hai

ham to ik til pe hī bas ḳhud ko fanā kar baiThe

aur kitne haiñ jamālāt kahāñ jānte haiñ

hum to ek til pe hi bas KHud ko fana kar baiThe

aur kitne hain jamalat kahan jaante hain

aap vāqif haiñ mire dost hasīñ lafzoñ se

badle lahjoñ kī karāmāt kahāñ jānte haiñ

aap waqif hain mere dost hasin lafzon se

badle lahjon ki karamat kahan jaante hain

zinda logoñ ko nivāloñ sā chabāne vaale

merī mayyat pe bhī ā.eñge ḳhudā ḳhair kare

zinda logon ko niwalon sa chabane wale

meri mayyat pe bhi aaenge KHuda KHair kare

shāyad vo jā chukā hai magar dekh lo kahīñ

chāhat ke imtihān meñ ab tak yahīñ na ho

shayad wo ja chuka hai magar dekh lo kahin

chahat ke imtihan mein ab tak yahin na ho